काठमाडौं । नेपाली कांग्रेस केन्द्रीय कार्यसमितिको बैठक सुरु भएको छ । आज शुक्रबार दिउँसो ललितपुरको सानेपास्थित पार्टी केन्द्रीय कार्यालयमा बैठक सुरु भएको हो ।
पार्टी सभापति गगन थापा अनुपस्थित भएपछि सभापतिको कुर्सी खाली राखेर बैठक सुरु भएको छ । पदबाट राजीनामा दिएका थापा बैठकमा गएका छैनन् ।
आजको जारी बैठकमा सभापति थापाले दिएको राजीनामा, निर्वाचन परिणामलगायत विषयमा बैठकमा छलफल गरिने जनाइएको छ । पार्टी उपसभापति विश्वप्रकाश शर्माले बैठकमा निर्वाचनको प्रारम्भिक समीक्षा, थापाको राजीनामा अस्वीकृतको प्रस्ताव पेस गरिने बताएका छन् ।
प्रतिनिधिसभा सदस्य निर्वाचनमा पार्टीको पराजयको नैतिक जिम्मेवारी लिँदै उनले राजीनामा दिएका थिए ।
