चितवन जिल्लाको सुन्दर पर्यटकीय गन्तव्य बीस हजारी ताल Nepalpatra चितवन जिल्लाको सुन्दर पर्यटकीय गन्तव्य बीस हजारी ताल

१८ श्रावण २०७८, सोमबार

चितवनको सुन्दर पर्यटकीय गन्तव्य बीस हजारी ताल


बीस हजारी ताल

पृष्ठभूमि : वि.स. २०२२ सालमा पुर्वी चितवनबाट ल्याइएको नहरको कारण निर्माण भएको यस ताल बिरुवामा पानी राख्ने हजारीबाट विकसित भई बीस हजारी ताल भनी नामाकरण गरिएको हो । अर्कोतिर खगेरी नहरको मुहानबाट बिसहजारी तालसम्मको दुरी २० हजार फिट रहेको हुँदा पनि यसलाई बीस हजारी ताल भनिएको भन्ने भनी रहेको छ ।

परिचय

बीस हजारी ताल चितवन जिल्लाको भरतपुर महानगरपालिकामा पर्छ । यस तालको कूल क्षेत्रफल ५ हजार ७८१ हेक्टर छ । चितवनको भरतपुरबाट करिब ६ किलोमिटर दूरीमा रहेको तालका छेउछाउका गैंडा, जरायो, चित्तल आदि जनावरका साथै १ सय २५ प्रकारका चराका साथै तालमा मगर गोही तथा २५र३० प्रकारका माछा पाइन्छन् । यो ताललाई सिमसार क्षेत्रमा राखिएको छ । रामसागर सूचीमा सूचीकृत नेपालका नौवटा यस्तै जल सम्पदाहरु मध्यको यो पनि एक हो । २०५२ सालदेखि परिचयमा आएको यो बीस हजारी ताल चितवनको कूल क्षेत्रफल ५ हजार ७८१ हेक्टर छ। यस तालको औसत गहिराई १३ फिट रहेको छ । टिकौली जङ्गलभित्र १७ हजारी ताल र २२ हजारी तालगरी अन्य साना साना थुप्रै तालहरु छन ।

नेपाल सरकारले पर्यटकीय प्रबल सम्भावना भएका १०० स्थानहरुको पहिचान गरी पर्यटकीय गन्तव्यको रुपमा विकास गर्ने कार्यक्रम अघि बढाएको हो । यस अन्तर्गत संस्कृति, पर्यटन तथा नागरिक उड्डयन मन्त्रालयले प्रर्वद्धन गर्नुपर्ने नयाँ १०० वटा पर्यटकीय गन्तब्यहरुमा चितवन जिल्लाको बीस हजारी ताललाई पनि छनोट गरेको छ ।

प्राकृतिक सौन्दर्य

हरियाली वातावरण, अनेक ताल, जीवजन्तु बिशेषगरी भिभिन्न प्रकारका चराहरुले यहाको सौन्दर्य बढाएको छ ।

पर्यटन प्रर्वद्धन

यहाँ तालमा रहेका गोही, वरिपरीको सामुदायिक वन, गैँंडा, बाघ लगायत विभिन्न वन्यजन्तु तथा चराचुरुङ्गिीले पर्यटकको मन तान्ने गर्दछ । यसैगरी अहिले ताल वरीपरी पर्यटक बस्नको लागि बेन्चको व्यवस्था गरिएको छ । पर्यटकको सुविधाको लागि शौचालय, खानेपानी पनि व्यवस्था गरिएको छ । त्यस्तै ताल तथा बिभिन्न जंगली जनाबर र चराचुरुङ्गीहरु हेर्नको लागि भ्यू टावरको व्यवस्था छ ।

पर्यटकीय सम्भावना

सम्बन्धित पक्षबाट तालमा भएको जलकुम्भी तथा काडेंझार हटाइ संरक्षण गर्न सके नाइट सफारी केन्द्रको रुपमा विकास गर्न सकिन्छ । बरण्डाभार मध्यवर्ती सामुदायिक वनको मातहतमा पर्यटकको प्रचुर संभावना बोकेको यस ताललाई संरक्षण गर्ने हो भने बर्सेनी हजारौँको संख्यामा पर्यटक भित्र्याउन सकिने देखिन्छ । नहरको पानीको कारण कृत्रिम रुपमा बनेको यो ताल अहिले विश्वभरका चरा अवलोकनकर्ताहरुको लागि लोकप्रिय गन्तव्य बन्न पुगेको छ ।

जैविक विविधता

बिस हजारी ताल विश्व रामसार सुचिमा सुचिकृत भएको प्रख्यात पर्यटकिय गन्तव्य स्थल हो । ताल विभिन्न राष्ट्रबाट बसाइ सराई गरी आउने मौसमी चराहरुको आश्रय स्थल यस तालमा गोहि, माछा, अंजिङ्गर पाइन्छ । तालसम्म पुग्ने जङ्गलको बाटोमा दायाँबायाँ मृग, बँदेल, गैडा, जरायो जनावरका पाइन्छन् । जङ्गली जनावरका साथै बिभिन्न प्रजातिका चराचुरुङ्गी ताल वरपर देख्न सकिन्छ । ताल वरपर २६ प्रजातीका वन्जयन्तु, २७३ प्रजातीका चरा, २५ प्रजातीका माछा र १३१ प्रजातीका बोटबिरुवा रहेको तथ्यांक छ ।

समस्याहरु

यहाँका धेरैजसो तालमा अहिले मिचाहा प्रजातिका झारले कुरुप बनाउने तथा तालको पानी सुक्ने खालका चुनौति भएतापनि अहिलेदेखि यस्ता झारहरु सफा गरेर तालको पानीलाई कञ्चन बनाइएको छ ।

कसरी पुग्ने ?

चितवनको भरतपुरबाट करिब ६ किलोमिटर पूर्व मोटर वाटो हुँदै त्यहा पुग्न सकिन्छ ।

यो पनि पढ्नुहोस्  

मकवानपुरमा रहेको पृथ्वीनारायण शाहको ससुराली घर मकवानपुरगढी

धादिङको सुन्दर पर्यटकीय गन्तव्य रानी झरना क्यानोनिङ

धादिङको सुन्दर पर्यटकीय गन्तव्य रुवी भ्याली


यो समाचार पढेर तपाईको प्रतिक्रिया के छ ?

प्रतिक्रिया दिनुहोस !