देउताहरूले सभा गर्ने संखुवासभाको धार्मिक तथा पर्यटकीय स्थल सभापोखरी Nepalpatra देउताहरूले सभा गर्ने संखुवासभाको धार्मिक तथा पर्यटकीय स्थल सभापोखरी
२० मंसिर २०७७, शनिबार

संखुवासभाको सुन्दर धार्मिक तथा पर्यटकीय स्थल सभापोखरी


सभापोखरी

पृष्ठभूमि : देउताहरूले सभा गर्ने स्थल भएकाले यसको नाम सभापोखरी रहन गएको किंवदन्ती छ । यहि पोखरीको नाममा नै गाउँपालिकाको नाम पनि सभापोखरी गाउँपालिका बनेको र यहि पोखरीको नाममा सभाखोलाको पनि नाम रहन गएको हो ।

परिचय

संखुवासभाको सभापोखरी गाउँपालिकामा अवस्थित धार्मिक तथा पर्यटकीय महत्व बोकेको सभापोखरीको एक महत्वपूर्ण स्थल हो । संखुवासभा जिल्लामा पर्ने यो सभा पोखरीको लम्बाई २ सय मिटर र चौडाइ करिब एक सय मिटर छ । यो समुद्र सतहदेखि ४ हजार २ सय ४० सय मिटर उचाइमा छ । पोखरीको दर्शन गर्न वर्षमा करिब चार हजार आन्तरिक तथा बाह्य भक्तजन तथा पर्यटकहरू पुग्ने गरेका छन् । पोखरीको आसपासमा दर्शनार्थी बस्नको लागि दुई वटा पाटी बनिसकेका छन् भने एउटा पाटी निमार्णधीन अवस्थामा रहेको छ ।

धार्मिक तथा सांस्कृतिक महत्व

पूर्वी नेपालको संखुवासभा जिल्लास्थित सभापोखरी धार्मिक हिसाबले अत्यन्त पवित्र स्थान हो । त्यस पोखरीमा जनै पुर्णिमाको दिन सबैभन्दा धेरै भक्तजनहरू पुग्ने गरेका छन् । यहाँ सन्तान नहुनेहरूले पूजा गरेमा सन्तान हुने विश्वासका साथ श्रद्धालुहरू पूजा गर्न पुग्ने गरेका छन् । यस पोखरी धार्मिक, ऐतिहासिक तथा पर्यटकीय हिसाबले निकै महत्वपूर्ण रहेको छ ।

ऐतिहासिक तथा पौराणिक मान्यताहरु

किंवदन्ती अनुसार पृथ्वीमा दैत्यहरूले गर्ने विनास रोक्न देउताहरूले सभापोखरीमा सभा बसी योजना बनाएका थिए । त्यस पोखरीको अर्को पनि किवंदन्ती रहिआएको छ । वेदव्यासले सम्पूर्ण देवी–देवताहरूलाई भेला गराएर पुराण भनेका थिए ।

प्राकृतिक सौन्दर्य

हरियाली वातावरण बहुमूल्य जडीबुटी, लोपोन्मुख वन्यजन्तु पाइने यो क्षेत्र प्राकृतिक सौन्दर्यले भरिपूर्ण छ ।

पर्यटकिय महत्व

सभापोखरी धार्मिक हिसाबले अत्यन्त पवित्र स्थान भएकोले यसले पर्यटकिय महत्व बोकेको छ ।

पर्यटकीय सम्भावना

पर्यटकीय क्षेत्रका रूपमा समेत आफ्नो पहिचान बनाएको यो पोखरीको संरक्षण र प्रचार–प्रसार गर्न सके आन्तरिक मात्र नभई विदेशी पर्यटकलाई समेत भित्र्याउन सकिने अवस्था छ । पोखरीको संरक्षणको लागि गर्न सके पर्यटक भित्र्याउन सकिन्छ ।

कसरी पुग्ने ?

सभापोखरी सदरमुकाम खाँदबारीबाट ४ दिनको पैदल दूरीमा पर्छ ।

यो पनि पढ्नुहोस् 

उदयपुरको ऐतिहासिक पर्यटकीय गन्तब्य उदयपुरगढी

पूर्वाञ्चलकै मुख्य पर्यटकीय गन्तव्य भेडेटारको नमस्ते झरना

घुम्न जाने होइन झापाको धार्मिक तथा पर्यटकीय गन्तव्य अर्जुनधारा

१ दर्जन भन्दा बढी हिमालहरू देखिने भोजपुरको सुन्दर पर्यटकीय गन्तव्य ट्याम्के डाँडा

घुम्न जाने होइन मोरङको प्राचीन तथा ऐतिहासिक पर्यटकीय स्थल विराट राजाको दरवार



प्रतिक्रिया दिनुहोस !