पृष्ठभूमि र जन्म
देउवा नेतृत्वको सरकारमा नेपाली काँग्रेसको तर्फबाट धनुषा-२ बाट प्रत्यक्ष निर्वाचित सांसद रामकृष्ण यादवले कृषि मन्त्रालयको जिम्मेवारी सम्हालेका छन् । रामचन्द्र पौडेल निकट यादव पार्टीभित्र शालिन र इमान्दार नेताको रुपमा चिनिन्छन् । यादव कांग्रेस नेता रामचन्द्र पौडेल समूहबाट मन्त्रीमा सिफारिसमा परेका हुन् ।
रामवरण यादवको छत्रछायाँमा रहेका यादवले धनुषामा निधी परिवारको विपक्षमा आफूलाई उभ्याएर राजनीति अघि बढाएका थिए । यादवको जन्म वि.सं. २०१९ साल जेठ ३ गते धनुषा जिल्लाको औरही–७ मा भएको हो । उनका बाबुको नाम जीबछ यादव र आमाको नाम जीबछी यादव हो । उनकी श्रीमतीको नाम शान्ति यादव हो । यादवका एक छोरा र तीन छोरी छन् ।
शिक्षा
यादवले अर्थशास्त्रमा स्नातक तहसम्मको अध्ययन गरेका छन् ।
राजनीतिक यात्रा
विमलेन्द्र निधीको काउन्टर दिन रामचन्द्र पौडेल पक्षले उनलाई मन्त्री बनाएको बताइन्छ । धनुषाको राजनीतिमा विमलेन्द्र निधि र आनन्द ढुंगाना पक्षबीच टस्सल छ । विगतमा रामवरण यादव पक्ष र निधि पक्षको लडाई थियो । अहिले यादव पक्षको विरासत आनन्द ढुंगाना र रामकृष्ण यादवहरुले धानिरहेका छन् ।
१. वि.सं. २०२९ सालमा नयाँ शिक्षा योजनाको विरोध गर्दै राजनीतिमा प्रवेश ।
२. २०३३ सालदेखि राजनीतिमा सक्रिय ।
३. २०३३ सालमा भूमिगत जीवन, ८ पटक बन्दी जीवन ।
४. २०३९ रारा क्याम्पसको स्ववियु उपसभापति ।
५. २०४२ सालको सत्याग्रहमा लामो समय कारावासमा ।
६. २०४२ सालमा नेविको संघ जिल्ला सभापति ।
७. २०४८ मा कांग्रेस क्षेत्रीय सभापति ।
८. २०५१ देखि २०५७ सम्म कांग्रेस जिल्ला सचिव ।
९. २०५७ देखि ०६४ सम्म नेपाली कांग्रेसको जिल्ला सभापति ।
१०. २०६४ को संविधानसभा निर्वाचनमा निर्वाचित सांसद ।
११. पहिलो संविधानसभामा यादव संसदको सार्वजनिक लेखा समितिको सभापति ।
१२. २०७० सालको संविधानसभा निर्वाचनमा धनुषा-२ बाट निर्वाचित ।
१३. नेपाली कांग्रेस केन्द्रीय सदस्य ।
विदेश भ्रमण
भारत, वेल्जियम, थाइल्याण्ड, जर्मनी, फ्रान्स र स्वीजरल्याण्ड ।
