फाइल फोटो
विराटनगर । कोशी प्रदेशको मुख्यमन्त्रीमा नेपाली कांग्रेस कोशी संसदीय दलका नेता उद्धव थापा नियुक्त भएका छन् । प्रदेश प्रमुख परशुराम खापुङले थापालाई आज मंगलबार साँझ मुख्यमन्त्री नियुक्त गरेका हुन् ।
प्रदेश प्रमुख खापुङले संविधानको धारा १६८ (२) अनुसार थापालाई मुख्यमन्त्री नियुक्त गरेका हुन् । मुख्यमन्त्रीमा नियुक्त थापाको पद तथा गोपनीयताको शपथ भोलि बुधबार बिहान १०ः३० बजे हुने बताइएको छ ।
नेपाली कांग्रेसका २९, नेकपा (माओवादी केन्द्र) का १३, नेकपा (एकीकृत समाजवादी) का चार र जसपाका एक जना गरी ४७ जना सांसदको समर्थनमा थापा मुख्यमन्त्रीमा नियुक्त भएका हुन् ।
