विराटनगर । प्रदेश १ प्रदेशसभा बैठक २ घण्टाका लागि स्थगित गरिएको छ । प्रदेश १ को प्रदेशसभा बैठकमा नाम कोसीमाथिको छलफल सकिएपछि बैठक २ घण्टाका लागि स्थगित गरिएको हो ।
आज बुधबार दिउँसोबाट सुरु भएको प्रदेशसभा बैठकमा नामकरण माथिको छलफल सकिएपछि सभामुख बाबुराम गौतमले प्रदेशसभा बैठक २ घण्टाका लागि स्थगित गरेका हुन् । प्रदेशको नाम कोसी राख्ने प्रस्तावमाथिको दलगत धारणा राख्ने क्रम सकिएको हो ।
प्रदेशसभामा नेकपा एमालेले कोसी प्रदेश राख्नुपर्ने प्रस्ताव गरेकोमा सो नामका विषयमा सांसदलहरुले छलफलमा भाग लिएका छन् । २ घण्टापछि सुरु हुने बैठकमा मत विभाजन हुने भएकोले प्रदेशसभा सचिवालयले मतविभाजनका लागि आवश्यक तयारी गरेको छ ।
प्रदेशको नामकरण टुंगो लगाउनको लागि बसेको प्रदेशसभा बैठकमा टेबल गरिएको प्रस्तावित प्रदेशको नाम किरात-लिम्बुवान-सगरमाथा अस्वीकृत भएको छ । प्रदेशसभाको बहुमतले कोसी प्रदेशलाई छलफलका लागि स्विकार गरेपछि सभामुख गौतमले किराँत-लिम्बुवान-सगरमाथाको प्रस्ताव स्वत: अस्वीकृत भएको प्रदेशसभालाई जानकारी गराएका थिए ।
प्रदेशको नामाकरणको टुंगो लगाउन प्रदेशसभाको दुई तिहाई मत आवश्यक पर्ने संवैधानिक व्यवस्था छ । प्रदेश १ मा ९३ जनाको संसद छन् । नामाकरणको टुंगो लगाउन ६३ जना सांसद चाहिन्छ ।
यो पनि पढ्नुहोस्
प्रदेश १ नामकरण : किरात-लिम्बुवान-सगरमाथा अस्वीकृत, कोसीमाथि छलफल प्रारम्भ
प्रदेश १ को प्रदेशसभा बैठकमा प्रस्तावित नाम टेबल
नामाकरण टुंग्याउन प्रदेश १ प्रदेशसभाको बैठक सुरु
प्रदेश १ को नामकरण : विरोध प्रदर्शनलाई रोक्न निषेधाज्ञा जारी
प्रदेश १ को नाम कोसी राख्न प्रदेशसभा सचिवालयमा प्रस्ताव दर्ता
