फाइल फोटो
काठमाडौँ । सत्ता गठबन्धन दलका शीर्ष नेताहरुको बैठक आज बस्दै छ । सत्ता साझेदार दलको उच्चस्तरीय राजनीतिक संयन्त्रको बैठक आज साँझ ५ बजे प्रधानमन्त्रीको सरकारी निवास बालुवाटारमा बस्ने भएको हो ।
नेकपा एमालेका अध्यक्ष केपी शर्मा ओलीको निवास बालकोटमा भएको भेटवार्तापछि संचारकर्मीसंग कुरा गर्दै उपप्रधानमन्त्री एवं अर्थमन्त्री विष्णुप्रसाद पौडेलले यस्तो बताएका हुन् ।
सरकार विस्तारको विषयमा भएको सहमतिलाई अन्तिम रुप दिन सत्ता गठबन्धनका दलको उच्चस्तरीय राजनीतिक संयन्त्रको बैठक बस्ने भएको हो ।
प्रधानमन्त्री प्रचण्ड र एमालेका अध्यक्ष ओलीबीच ओली निवास बालकोटमा चार घण्टा लामो छलफल भएको छ । बालकोटस्थित ओली निवासमा आज बिहान १०ः२० बजे पुगेका प्रधानमन्त्री प्रचण्ड र अध्यक्ष ओलीबीच वर्तमान राजनीतिक परिवेश र मन्त्रिपरिषद् विस्तारबारे छलफल भएको थियो ।
यो पनि पढ्नुहोस्
ओलीसँगको भेटपछि प्रचण्डले भने – मन्त्रिपरिषद् आजै विस्तार हुन्छ
