काठमाडौँ । अमेरिकी सहयोग परियोजना मिलेनियम च्यालेन्ज कर्पोरेशन (एमसीसी) को बारेमा निर्णायक छलफल गर्न सत्ता गठबन्धनको बहुप्रतिक्षित बैठक केहि समयअघि प्रधानमन्त्रीको सरकारी निवास बालुवाटारमा शुरु भएको छ ।
नेकपा माओवादीका अध्यक्ष पुष्पकमल दाहाल ‘प्रचण्ड’ र प्रधानमन्त्री शेरबहादुर देउवावीच एमसीसी हिजो संसदमा टेवुल नगर्ने सहमति भएपछि सो बारेमा अन्तिम छलफल गर्न सत्ता गठबन्धनको बैठक आज ३ बजेका लागि बोलाइएको बैठक ५ बजेका लागि सारिएको थियो ।
प्रधानमन्त्री निवास बालुवाटारमा हिजै प्रचण्ड र प्रधानमन्त्री शेरबहादुर देउवाबीच भएको छलफलबाट गठबन्धन बैठक बोलाउने सहमति भएको थियो । प्रचण्डसँगको छलफलपछि प्रधानमन्त्री देउवा हिजो एमसीसी टेबल नगर्न समेत सहमत भएका थिए ।
माओवादी केन्द्रले एमसीसी राष्ट्रिय सहमति बिना जबरजस्ती संसदमा अघि बढाइए सोको विपक्षमा मतदान गर्ने निर्णय र सरकारबाट बाहिरिन सक्ने संकेत गरेलगत्तै अध्यक्ष प्रचण्ड प्रधानमन्त्री देउवालाई भेट्न हिजो बालुवाटार पुगेका थिए ।
एमसीसी संसदमा टेबल हुनबाट रोक्न अन्तिम प्रयासस्वरुप राष्ट्रिय सहमति जुटाएर मात्र संसदमा टेवुल गर्न आग्रह गर्न प्रचण्ड प्रधानमन्त्री देउवालाई भेट्न बालुवाटार पुगेका उनीहरुवीच एमसीसी टेवुल नगर्ने सहमति भएको थियो ।
बालुवाटार पुगेर प्रचण्डले गठबन्धनमै सहमति नजुटेकाले एमसीसी टेबल नगर्न प्रधानमन्त्री देउवालाई आग्रह गरेका थिए । सरकारले संसदमा टेवुल गर्ने तयारी गरेको एमसीसी परियोजनाबारे आफ्नो पार्टीको संसदीय दलले गरेको निर्णयबारे जानकारी गराउन प्रचण्ड बालुवाटार पुगेका थिए ।
सत्तारुढ दल कांग्रेसले एमसीसी सम्झौताको पक्षमा मतदान गर्ने निर्णय गरेको छ । नयाँ बानेश्वरस्थित संघीय संसद भवनको ल्होत्से हलमा मंगलबार बसेको कांग्रेस संसदीय दलको बैठकले एमसीसी सम्झौताको पक्षमा मतदान गर्ने निर्णय गरेको थियो ।
तर माओवादी केन्द्रले एमसीसी जबरजस्ती संसदमा अघि बढाइए विपक्षमा मतदान गर्ने निर्णय गरिसकेको छ । सिंहदरबारस्थित माओवादी संसदीय दलको कार्यालयमा हिजो बसेको बैठकले एमसीसी जबरजस्ती अघि बढाइए विपक्षमा मतदान गर्ने माओवादीको निर्णय गरेको हो ।
नेकपा एकीकृत समाजवादीको सचिवालय बैठकले पनि एमसीसी जबर्जस्ती संसदमा टेवुल गराएर अघि बढाए विपक्षमा मतदान गर्ने निष्कर्षमा पुगेको छ । सचिवालय बैठकले निकालेको उक्त निष्कर्षलाई शनिबार बस्ने स्थायी कमिटीबाट आधिकारिक निर्णय गर्ने तयारी एकीकृत समाजवादीले गरेको छ ।
यथास्थितिमा एमसीसी संसदवाट पास गर्न नसकिने भन्दै अडान राख्दै आएका यी दुई नेताहरुवीच यदि सरकारले एमसीसी जबर्जस्ती अघि बढाए सरकारवाट बाहिरिने तयारीसम्मको छलफल भएको हो ।
माओवादी केन्द्रका अध्यक्ष प्रचण्ड र एकीकृत समाजवादीका अध्यक्ष नेपालले प्रधानमन्त्री शेरबहादुर देउवाले एमसीसी संसदमा टेवुल गराएर जबर्जस्ती पास गर्न खोजेमा सरकारवाट बाहिरिनसम्मको तयारी गरेका छन् । प्रधानमन्त्री देउवा एमसीसी संसदमा टेवुल गर्ने पक्षमा छन् भने प्रचण्ड र नेपाल यसको बिपक्षमा रहेका छन् ।
सत्तारुढ गठबन्धन रहने वा नरहने भन्ने विषयमा आज शुरु भएको सत्ता गठबन्धनको बैठकले निर्णय गर्ने भएकोले यसबैठकको निर्णय के आउछ भनेर आम नेपाली जनताहरुले विशेष चासोका साथ कुरिरहेका छन् । गठबन्धनको शुरु भएको यो अन्तिम बैठकले नै सत्ता गठबन्धन कायम रहने वा नरहने भन्ने बारेमा पनि भविष्य निर्धारण गर्ने बुझिएको छ ।
यो पनि पढ्नुहोस्
एमसीसी जबर्जस्ती अघि बढाए सरकारवाट बाहिरिने प्रचण्ड र नेपालको तयारी
एमसीसीबारे सहमति गर्न प्रधानमन्त्री र प्रचण्डबीच भेटघाट, गठबन्धन बैठक सर्यो
सहमति नजुटाइ एमसिसी धाकधम्की दिएर पास नहुने खनालको दावी
एमसीसी जबरजस्ती अघि बढाइए विपक्षमा मतदान गर्ने माओवादीको निर्णय
