फाइल फोटो
काठमाडौं । नेकपा (एकीकृत समाजवादी)का अध्यक्ष माधवकुमार नेपालले राष्ट्रिय प्रजातन्त्र पार्टीलाई परिवर्तनको गतिलाई रोक्ने काम नगर्न आग्रह गरेका छन् ।
अध्यक्ष नेपालले पछाडि परिवर्तनको गतिलाई रोक्ने काम नगर्न र धकेल्ने काम नगर्न आग्रह गरेका छन् ।
राप्रपाको महाधिवेशनमा बोल्दै उनले राप्रपाले उठाएको राष्ट्रियताको झण्डालाई उठाइ राख्न र नेपाली जनताको भावना बमोजिम परिवर्तनको संवाहक शक्तिको रुपमा अघि बढन पनि सुझाव दिए ।
उनले नेपालमा जातीय सदभाव र राष्ट्रिय एकताको भावना रहेको औंल्याउँदै सोही अनुसार अघि बढेर मुलुकलाई प्रतिगमनतर्फ जान नदिन सबै राजनीतिक दलहरु एकतावद्ध भएर अघि बढनुपर्ने बताए ।
