ओलीले सांसद बनाएकी कोमलले एकाएक रावलको पर्चा बोकेपछि हंगामा Nepalpatra ओलीले सांसद बनाएकी कोमलले एकाएक रावलको पर्चा बोकेपछि हंगामा
१३ माघ २०७८, बिहिबार

ओलीले सांसद बनाएकी कोमलले एकाएक रावलको पर्चा बोकेपछि हंगामा


ओलीले सांसद बनाएकी कोमलले एकाएक रावलको पर्चा बोकेपछि हंगामा तस्वीर सौजन्य : रातोपाटी

चितवन । नेकपा एमालेका अध्यक्ष केपी शर्मा ओलीले सांसद बनाएकी कोमल वलीले एकाएक अध्यक्षका अर्का प्रत्यासी भीम रावलका पर्चा बोकेकी छन् । वलीले एमाले अध्यक्ष ओलीले राष्ट्रियसभाको सदस्य बनाएका थिए ।

कोमल वलीलगायतका केही प्रतिनिधिहरूलाई भीम रावलको पर्चा वितरण गर्दै मूल गेटसम्मै पुगेपछि स्वयंसेवकहरुले उनीहरुलाई ‘पर्चा बाँड्न पाइँदैन’ भन्दै बाहिर पठाइदिएका छन् । बन्दसत्रको हलभित्र प्रवेश गर्न लामबद्ध भएकाहरुलाई उनीहरुले पर्चा वितरण गरेका थिए । रावलका लागि विरतण गरिएको पर्चामा ‘मेरो उम्मेदवारी किन’ लेखिएको छ ।

गायिका समेत रहेकी वलीले रावलको पर्चा हातमा बोकेर तस्बिर खिचाएपछि ‘कोमल वलीले रावलको प्रचार गरिन्’ भन्ने हल्ला चलाइएको छ । तर उनले रावलको प्रचार नगरेर आफ्नो केही प्रतिनिधिले पर्चा थमाएपछि लिएको बताइएकी छन् ।

एमालेको १० औँ राष्ट्रिय महाधिवेशनमा अध्यक्ष पदमा उम्मेदवारी दिने तयारी गरेका रावलले चुनावी प्रचार शुरु गरेका हुन् । एमालेको महाधिवेशनबाट सर्वसम्मत नेतृत्व चयन गर्ने प्रयास जारी रहँदा अध्यक्षका दावेदार रावलले प्रचार शुरु गरेका हुन् ।

वर्तमान अध्यक्ष ओली आइतबार पनि सर्वसम्मत नेतृत्व चयनका लागि नेताहरुसँग छलफल जारी राखेका छन् । तर वर्तमान उपाध्यक्ष समेत रहेका रावलले अध्यक्ष पदका लागि मत माग्न शुरु गरेपछि एमालेमा सर्वसम्मत नेतृत्व चयन हुने सम्भावना कम हुँदै गएको छ ।

सर्वसम्मत नेतृत्व चयनका लागि सहमति जुटाउन भन्दै ओलीले केही नेताहरुसँग छलफलमा जारी राख्दा १० बजे शुरु बस्ने भनिएको निर्धारित बन्दसत्र समेत पछाडी धकलिएको छ । आजको बन्दसत्रले ओलीलाई सर्वसम्मत अध्यक्ष चयन गर्ने तयारी गरेको छ ।


यो समाचार पढेर तपाईको प्रतिक्रिया के छ ?

प्रतिक्रिया दिनुहोस !