पोखरा । नेपाली काँग्रेस पर्वतको सभापतिमा प्रतिस्पर्धी यामबहादुर मल्ललाई १६० मतान्तरले पराजित गर्दै युवराज जोशी विजयी भएका छन् ।
स्रोतका अनुसार जोशीले ६०९ मत पाएर विजयी भए भने उनका प्रतिस्पर्धी मल्लले ४४९ मत पाएर पराजित भएका छन् ।
एक नेताका अनुसार सभापतिका अर्का उम्मेदवार मिलन सुबेदीले ९६ मत पाएका थिए । एक नेताका अनुसार निर्वाचित जोशी संस्थापन शेरबहादुर देउवा पक्षबाट चुनाव लडेका थिए ।
त्यस्तैगरी उपसभापतिमा डा.चुडामणी शर्मा र शिव प्रसाद सुवेदी विजयी भएका छन । सचिवमा अशोक उचै ठकुरी र गुप्तनिधि शर्मा, सहसचिवमा अच्यूत तिवारी र तिलकप्रसाद भुसाल विजयी भएका छन् ।
