फाइल फोटो 
काठमाडौँ । लामो रस्साकस्सीपछि अन्तत: नेकपा (एकीकृत समाजवादी) का बागमती प्रदेश संसदीय दलका नेता राजेन्द्र पाण्डे मुख्यमन्त्रीमा नियुक्त भएका छन् । पाण्डेलाई प्रदेश प्रमुख यादवचन्द्र शर्माले बागमती प्रदेशको मुख्यमन्त्रीमा नियुक्त गरेका हुन् ।
बाग्मतीका प्रदेश प्रमुख यादवचन्द्र शर्माले आज बिहीबार अपरान्ह ३ बजेभित्र प्रदेशको मुख्यमन्त्री पदमा नियुक्तिको लागि दाबी पेश गर्न आज आह्वान गरेसँगै बुधबार नै पाण्डेले दावी पेश गरेका हुन् । मुख्यमन्त्रीको लागि पाण्डेबाहेक अरु कसैको दाबी परेन ।
पाण्डेले काँग्रेस, नेकपा माओवादी केन्द्र र नेकपा (एस) सहितका सांसदको समर्थनमा मुख्यमन्त्रीमा दाबी पेश गरेका हुन् । पाण्डेको शपथ आजै दिउँसो ३ः३० बजे हुँदैछ । त्यस्तै पाण्डेले आज नै ४ सदस्यीय मन्त्रिपरिषद् पनि गठन गर्ने बताइएको छ ।
बाग्मतकी मुख्यमन्त्री अष्टलक्ष्मी शाक्यले नेपालको संविधानको धारा १६९ को उपधारा (१) को खण्ड (क) बमोजिम बुधबार प्रदेश प्रमुख शर्मा समक्ष लिखित राजीनामा बुझाएकी थिइन् । पाण्डेले हिजो बुधबार नै संविधानको धारा १६८ को उपधारा २ बमोजिम मुख्यमन्त्रीमा दाबी पेस गरेका थिए ।
गठबन्धनको शीर्ष नेतृत्व तहमा भएको छलफल र सहमतिअनुसार पहिलो आधा कार्यकाल एकीकृत समाजवादीका राजेन्द्र पाण्डे मुख्यमन्त्री बनेका हुन् भने आधा काँग्रेसको इन्द्र बानियाँ सरकारको नेतृत्व गर्दै मुख्यमन्त्री बन्नेछन् ।
यो पनि पढ्नुहोस्
यी हुन् बाग्मती प्रदेशमा बन्न लागेका नयाँ मन्त्रीहरु
बाग्मती प्रदेशमा राजेन्द्र पाण्डे आज मुख्यमन्त्री नियुक्त हुँदै
बाग्मतीमा ५९ सांसदसहित राजेन्द्र पाण्डेले गरे मुख्यमन्त्रीमा दावी पेश
