काठमाडौँ । राष्ट्रपति विद्यादेवी भण्डारीले प्रभुराम शर्मालाई प्रधानसेनापतिमा नियुक्त गरेकी छिन् । यसअघि कायममुकायम प्रधानसेनापतिको कार्यभार सम्हाल्दै आएका शर्मालाई राष्ट्रपति भण्डारीले प्रधानसेनापतिमा नियुक्त गरेकी हुन् ।
नेपालको संविधानको धारा २६७ को उपधारा ५ बमोजिम बलाधिकृत रथी शर्मालाई भदौ २४ गतेदेखि लागू हुने गरी नेपाली सेनाको प्रधानसेनापतिमा नियुक्त गरिएको राष्ट्रपति कार्यालयद्वारा आज शुक्रबार जारी गरिएको विज्ञप्तिमा उल्लेख छ ।
उनी नेपाली सेनाको ४४ औँ प्रधानसेनापति हुन् । राष्ट्रपति भण्डारी नेपाली सेनाका परमाधिपति हुन् । प्रधानसेनापति पूर्णचन्द्र थापाको ३ वर्षे कार्यकाल यही भदौ २४ गतेदेखि सकिँदैछ ।
यो पनि पढ्नुहोस्
प्रभुराम शर्मालाई प्रधानसेनापतिमा नियुक्त गर्न सिफारिस
प्रधानसेनापति थापाद्वारा कार्यवाहक प्रधानसेनापति शर्मालाई नेतृत्व हस्तान्तरण
राष्ट्रपतिद्वारा प्रभुराम शर्मा कायम मुकायम प्रधान सेनापतिमा नियुक्त
