ललितपुर । नेकपा माओवादी केन्द्रका अध्यक्ष एवं पूर्वप्रधानमन्त्री पुष्पकमल दाहाल ‘प्रचण्ड’ र भारतीय जनता पार्टीका विदेश विभाग प्रमुख विजय चौथाइवालेबीच आज भेटवार्ता भएको छ ।
अध्यक्ष प्रचण्ड निवास खुमलटारमा भएको भेटमा नेपाल र भारतबीचको द्विपक्षीय सम्बन्धबारे छलफल भएको प्रचण्डको सचिवालयले जनाएको छ । साथै माओवादी केन्द्र र भारतीय जनता पार्टीका वीचको सम्बन्धलाई अझ बलियो बनाउनेबारे सकारात्मक र उत्साहपूर्ण छलफल भएको सचिवालयले बताएको छ ।
चौथाइवालेले आइतबार प्रधानमन्त्री शेरबहादुर देउवा र एमाले अध्यक्ष केपी शर्मा ओलीसँग भेट गरेका थिए ।
यो पनि पढ्नुहोस्
देउवा र भाजपा विदेश विभाग प्रमुख चौथाइवालेवीच हिजो के भयो कुराकानी ?
