२ चैत, काठमाण्डौ । प्रतिनिधिसभाको उपसभामुख चयनका लागि शुक्रबार निर्वाचन हुँदै छ ।
आज दिउँसो १ बजे बस्ने प्रतिनिधीसभाकाे बैठकमा उपसभामुखको निर्वाचन हुने संसद सचिवालयको प्रवत्ता भरतराज गौतमले जानकारी दिए ।
वामगठबन्धनका तर्फवाट नेकपा एमालेकी सांसद शिवमाया तुम्बाहाम्फे र नेपाली कांग्रेसकी पुष्पा भूसालवीच प्रतिस्पर्धा हुने भएको छ । दुवैले बिहीबार उम्मेदवारी दर्ता गराएका थिए ।
वामगठबन्धनका तर्फवाट उम्मेदवार बनेकी तुम्बाहाम्फेको प्रस्तावक माओवादी केन्द्रका सांसद देव गुरुङ र समर्थकमा एमालेका सांसद रविन्द्र अधिकारी छन् ।
यस्तै, कांग्रेसको तर्फवाट उम्मेदवार बनेकी भुषालको प्रस्तावकमा कांग्रेसकी सांसद डिला संग्रौला र समर्थकमा कांग्रेसकै सांसद देवेन्द्रराज कँडेल छन् ।
