अन्तत: ओली आफैं हारे, गरे माधवकुमार नेपालसहित चार नेतामाथिको कारबाही फुकुवा Nepalpatra अन्तत: ओली आफैं हारे, गरे माधवकुमार नेपालसहित चार नेतामाथिको कारबाही फुकुवा
५ असार २०७८, शनिबार

माधव नेपालसहित एमालेका चार नेतामाथि गरिएको कारवाही फुकुवा


माधव नेपाल, भीम रावल, सुरेन्द्र पाण्डे र घनश्याम भुसाल

काठमाडौं । प्रधानमन्त्रीको सरकारी निवास बालुवाटारमा बिहीबार बिहान बसेको स्थायी कमिटी बैठकले वरिष्ठ नेता माधवकुमार नेपालसहित चार जना नेतामाथि गरिएको कारबाही फुकुवा गरेको छ ।

पार्टीको एकतालाई ध्यानमा राखी एमाले स्थायी समितिको आजको बैठकले पार्टीका नेताहरू माधवकुमार नेपाल, भीमबहादुर रावल, घनश्याम भुसाल र सुरेन्द्र पाण्डेको निलम्बन फिर्ता लिने निर्णय गरेको स्थायी कमिटी सदस्य विष्णु रिमालले सामाजिक संजाल ट्वीटरमार्फत जानकारी दिएका छन् ।

पार्टीलाई एक बनाउन अध्यक्ष ओलीले कारवाही फुकुवाको प्रस्ताव राखेपछि बैठकले अनुमोदन गरेको हो । पार्टीको वृहत्तर एकतालाई ध्यानमा राखेर बैठकले चार नेतामाथिको ६ महिनाको निलम्बन फुकुवा गरिएको हो ।

साथै देशको वर्तमान राजनीतिक अवस्थालाई समेत विश्लेषण गरेर पार्टी र सरकार सम्बन्धी अरु सबै निर्णय गर्ने अधिकार पार्टी ओलीलाई दिएको बताइएको छ ।


यो समाचार पढेर तपाईको प्रतिक्रिया के छ ?

प्रतिक्रिया दिनुहोस !