काठमाडौँ । जनता समाजवादी पार्टीका संघीय परिषद अध्यक्ष डा. बाबुराम भट्टराईले जसपा मुसा दौडमा नभएको बताएका छन् । देश संकटमा परेका बेला नेताहरूको भूमिका अपेक्षित स्तरको नभएको पनि भट्टराईको भनाइ छ ।
सामाजिक संजाल ट्वीटरमा आज बिहान लेख्दै उनले अदालतको कृपाले अलिअलि लाज बचेको बेला पुन: उही म्युजिकल चेयरको खेलमा लाग्नु सट्टा समस्याका संरचनात्मक कारण खोतल्ने, आफ्नो आत्मसमीक्षा गर्ने र अग्रगामी निकास दिने बेला भएको भन्दै एमालेका नेताहरुलाई संचेत गराएका छन् ।
उनले लेखेका छन्, ‘देश यति गम्भीर संकटमा फसेको बेला राजनीतिक दल र नेताहरूको भूमिका अपेक्षित स्तरको भएन है ! अदालतको कृपाले अलिअळि लाज बचेको बेला पुन:उही म्युजीकल चेयरको खेलमा लाग्नुसट्टा समस्याका संरचनात्मक कारण खोतल्ने, आफ्नो आत्मसमीक्षा गर्ने र अग्रगामी निकास दिने पो हो त ! जसपा त्यो मुसा दौडमा छैन है !’
सत्ता साझेदारी गर्ने विषयमा एमाले र जनता समाजवादी पार्टी (जसपा) बीचको छलफल ‘सकारात्मक’ देखिएको छ । सर्वोच्च अदालतले नेकपा एकता बदर गर्दै साविक पार्टी ब्युँताएपछि अनौपचारिक रूपमा सुरु भएको छलफलले बिहीबार औपचारिकता पाएको हो ।
जसपाका शीर्ष नेता दिनभर आन्तरिक छलफल गरी एमाले अध्यक्ष एवं प्रधानमन्त्री केपी शर्मा ओलीसँग वार्ता गर्न बालुवाटार पुगेका थिए । तर जसपा पदाधिकारी बैठकले पाँच शीर्ष नेताले प्रधानमन्त्री ओलीसँग कुराकानी गर्ने भने पनि भट्टराई बालुवाटार गएका थिएनन् ।
सर्वोच्च अदालतले नेपाल कम्युनिष्ट पार्टी ऋषि कट्टेलको भएको फैसला गरिदिएपछि नेकपा एमाले र माओवादी केन्द्र अस्तित्वमा आएका छन् । प्रधानमन्त्री ओलीलाई दिएको समर्थन माओवादी केन्द्रले फिर्ता लिएमा प्रधानमन्त्री ओलीले बहुमत पुर्याउन अर्को कुनै दलको समर्थन खोज्नुपर्ने हुन्छ ।
त्यसैले नयाँ बन्ने सत्ता समीकरणमा जसपा निर्णायक भूमिकामा देखिएको छ । जसपाले सांसद रेशम चौधरीको रिहाइ, मुद्दा फिर्ता र संविधान संशोधनका विषयमा माग राख्दै आएको छ ।
सरकारले यी मुख्य ३ वटा माग सरकारले पुरा गरेमा जसपा सरकारमा जाने संकेत दिएको छ । बैठक सकिएपछि बालुवाटारवाट बाहिरिनु अघि जसपाका नेताहरु र प्रधानमन्त्री ओली, उपप्रधानमन्त्री ईश्वर पोखरेल, अर्थमन्त्री बिष्णु पौडेलको हाउभाउ र शरीरको भाषा बुझ्दा पनि वार्ता सकारात्मक भएको र एमालेले जसपाको सहयोग खोजे जस्तो देखिन्छ भने यी मुख्य ३ वटा मागहरु भन्दा अझ ठूलो भावी पद पाउने आकांक्षा राखेका जसपाका नेताहरु पनि खुशी देखिन्छन् ।
जसपाका अध्यक्ष उपेन्द्र यादव र संघीय परिषद्का अध्यक्ष डा. बाबुराम भट्टराई ओलीसँग सहकार्य गर्ने पक्षमा थिएनन् । तर रेशम चौधरीको रिहाइ सबैको साझा एजेण्डा भएकोले ओलीसँग सत्ता साझेदारीमा उनीहरु सकारात्मक भएको विश्लेषण गर्न सकिन्छ साथै यसमा दक्षिणको छिमेकी मित्रराष्ट्रको दवाव पनि हुनसक्ने देखिएकोले यादव र भट्टराई पनि सरकारमा जानको लागि सहमति जनाएपछि हिजो बालुवाटार प्रधानमन्त्री ओलीलाई भेट्न गएको जस्तो देखिन्छ ।
देश यति गम्भीर संकटमा फसेको बेला राजनीतिक दल र नेताहरूको भूमिका अपेक्षित स्तरको भएन है!अदालतको कृपाले अलिअळि लाज बचेको बेला पुन:उही म्युजीकल चेयरको खेलमा लाग्नुसट्टा समस्याका संरचनात्मक कारण खोतल्ने,आफ्नो आत्मसमीक्षा गर्ने र अग्रगामी निकास दिने पो हो त!जसपा त्यो मुसादौडमा छैन है!
— Baburam Bhattarai (@brb1954) March 11, 2021
जसपाको पदाधिकारी बैठकले वर्तमान राजनीतिक संकटको अग्रगामी निकास र आफ्नो पार्टीका आधारभूत मान्यतावारे सबै राजनीतिक दलहरूसंग उच्चतहमा संवाद गर्ने निर्णय गरेको छ। साथै पार्टीको समायोजन तथा आगामी कार्ययोजनावारे आवस्यक निर्णय गर्न कार्यकारिणी समितिको बैठक चैत ५ गते बस्ने भएको छ।
— Baburam Bhattarai (@brb1954) March 11, 2021
यो पनि पढ्नुहोस्
एमाले र जसपा वीचको वार्ता सकारात्मक, जाला त सरकारमा ?
जसपाको मुख्य एजेण्डा रेशम चौधरी रिहा, होला त रिहा ?
जसपाका एमालेसँग तीन माग, होला त सत्ता साझेदारी ?
