, घरको पानी ट्यांकीमा पैसा राखेको’ भनी कुप्रचार गरियो : उपप्रधानमन्त्री पोखरेल

‘घरको पानी ट्यांकीमा पैसा राखेको’ भनी कुप्रचार गरियो : उपप्रधानमन्त्री पोखरेल

मेडिया र सामाजिक संजाल आएको आलोचनाले गले उपप्रधानमन्त्री पोखरेल : सम्धीलाई नियुक्ति गर्न हस्तक्षेप गरेको छैन

काठमाडौँ, भदौ १० । उपप्रधानमन्त्री ईश्वर पोखरेलले कुनै पनि राजनीतिक नियुक्तिमा आफ्नो अवाञ्छित चासो वा हस्तक्षेप नभएको स्पष्ट पारेका छन् । उनले आज विज्ञप्ति जारी गरी आफ्नो परिवारका कुनै सदस्य वा कुनै नाता सम्बन्धमा रहेका व्यक्तिले पद वा सम्बन्धको दुरूपयोग गरी विद्यमान कानूनी व्यवस्थालाई उल्लङ्घन नगरेको जनाएका छन् ।

‘भएका काम विधिसम्मत, पारदर्शितासहित र संस्थागत निर्णय प्रक्रियाका आधारमा मात्रै भएका छन् । यदि अन्यथा भएको पाइएमा वा प्रमाणित भएमा सार्वजनिक रूपमा सजायको भागीदार हुनेसमेत विश्वास दिलाउन चाहन्छु ।’ उनले भनेका छन्, ‘मेरो यो दृढता र विश्वासलाई लाञ्छित गर्ने हिसाबले तथ्यहीन र अत्यन्त गलत मनसायका साथ सार्वजनिक भएका र गरिएका कुराहरूप्रति खेद व्यक्त गर्दछु ।’

रक्षामन्त्री पोखरेलले विगतमा राजाले सम्पूर्ण शासन सत्ता आफ्नो हातमा लिएको र त्यसविरूद्ध सङ्घर्ष गरेका कारण यातनापूर्ण बन्दी जीवन बिताइरहेका बेला सम्पूर्ण रूपमा बदनाम र चरित्रहत्या गर्ने हिसाबले ‘घरको पानी ट्यांकीमा पैसा राखेको’ भनी कुप्रचार गरिएको स्मरण गर्दै अहिले विगतको निरङ्कुश शाही शासनका तिनै मतियार समेतले नयाँ ढङ्गले आफ्ना विरूद्ध स्वर उरालिरहेको उल्लेख गरेका छन् ।

सबै महानुभावहरूमा अनुरोध ! ——————————-केही दिनयता मलाई केन्द्रीत गरी कतिपय संचार माध्यमहरूले समाचार सम्प्रेषण गरेका…

Posted by Ishwar Pokhrel on Wednesday, August 26, 2020