चेन्नई । भारतको तमिलनाडु कुनुरमा हेलिकप्टर दुर्घटना हुँदा सेना प्रमुख बिपिन रावतको मृत्यु भएको छ । आज बुधबार दुर्घटनाग्रस्त भएको एमआई-१७ भीएच हेलिकोप्टरमा सुरक्षा प्रमुख (सीडीएस) रावत, उनकी श्रीमती, उनका कर्मचारी र केही परिवारका सदस्यहरुसहित १४ जना सवार रहेका थिए ।
तमिलनाडुको कोइम्बटूर र सुलुरको बीचमा दुर्घटनाग्रस्त भएको जनाइएको छ । दुर्घटना हुँदा हेलिकोप्टरमा रहेका सवै १३ जनाको मृत्यु भएको भारतीय एयर फोर्सले आफ्नो आधिकारिक सामाजिक संजाल ट्वीटर हयाण्डलमार्फत पुष्टि गरेको हो । हेलिकोप्टर दुर्घटना हुँदा गम्भीर अवस्थामा रहेका सेना प्रमुख रावतलाई पनि अस्पताल लगिएको थियो ।
दुर्घटनाग्रस्त हेलिकप्टरमा सेना प्रमुख रावत, उनकी पत्नी मधुलिका रावत, ब्रिगेडियर एलएस लिड्डर, लेफ्टिनेन्ट कर्नेल हार्जिन्दर सिंह, पीएसोहरू एनके गुर्सेवक सिंह, एनके जितेन्द्र कुमार, एल/एनके विवेक कुमार, एल/एनके बी साइ तेजा र हाव सत्पाल सवार रहेका थिए ।
सुलुरस्थित आर्मी बेसबाट स्थानीय समयअनुसार ११ बजेर ५० मिनेटमा हेलिकप्टर उडेको टाइम्स अफ इन्डियाले बताएको छ । तमिलनाडुको निलिगिरिस जिल्लाको कुनुर भन्ने ठाउँमा पर्ने जङ्गलमा बुधबार स्थानीय समयअनुसार दिउँसो १२ बजे दुर्घटना भएको थियो ।
भारतीय सञ्चार माध्यमका अनुसार खराब मौसमका कारण भिजिभिलिटी कम भएकोले हेलिकप्टर दुर्घटना भएको हुनसक्ने बताएका छन् । भारतीय वायु सेनाले सो दुर्घटनाबारे छानबिन गर्न निर्देशन दिइसकेको छ ।
उक्त हेलिकप्टर दुर्घटनाको बारेमा आधिकारिक जानकारी भारतीय रक्षामन्त्री राजनाथ सिंहले भोलि बयान दिने भारतीय सञ्चार माध्यमले जनाएका छन् । रक्षामन्त्री सिंहले प्रधानमन्त्री नरेन्द्र मोदीलाई भेटेर दुर्घटनाको जानकारी गराएर रावतको घरमा समेत पुगेका थिए ।
हेलिकप्टर सुलुरबाट वेलिङ्टनस्थित डिफेन्स सर्भिस स्टाफ कलेजमा जाँदै थियो । दुर्घटना भएको ठाउँ वेलिङ्टनबाट १० किलोमिटर दुरीमा रहेको जनाइएको छ।
रावत भारतीय वायु सेना अर्थात इन्डियन एयर फोर्स-आईएएफको हेलिकप्टरमा सवार थिए । उक्त हेलिकप्टर दुर्घटनाप्रति भारतीय रक्षामन्त्री राजनाथ सिंहले गहिरो दुःख प्रकट गरेका छन् ।
With deep regret, it has now been ascertained that Gen Bipin Rawat, Mrs Madhulika Rawat and 11 other persons on board have died in the unfortunate accident.
— Indian Air Force (@IAF_MCC) December 8, 2021
Deeply anguished by the sudden demise of Chief of Defence Staff Gen Bipin Rawat, his wife and 11 other Armed Forces personnel in an extremely unfortunate helicopter accident today in Tamil Nadu.
His untimely death is an irreparable loss to our Armed Forces and the country.
— Rajnath Singh (@rajnathsingh) December 8, 2021
यो पनि पढ्नुहोस्
भारतीय सेना प्रमुख चढेको दुर्घटनाग्रस्त हेलिकप्टरमा को-को थिए ?
भारतको तमिलनाडुमा हेलिकप्टर दुर्घटना (अपडेट) : १३ जनाको मृत्यु
भारतको तमिलनाडुमा सेना प्रमुख रावत चढेको हेलिकप्टर दुर्घटना हुँदा ११ जनाको मृत्यु
भारतमा हेलिकप्टर दुर्घटना : ५ जनाको मृत्यु, घाइते सेना प्रमुखलाई अस्पताल लगियो
