स्याङ्जा । स्थानीय तह निर्वाचनको दिन स्याङ्जा जिल्लामा जीप दुर्घटना भएको छ । स्याङ्जामा मतदाता बोकेर मतदान केन्द्रतर्फ जाँदै गरेको जीप दुर्घटना हुँदा १३ जनाको मृत्यु भएको छ ।
जिल्ला प्रहरी कार्यालय स्याङ्जाका प्रहरी प्रवक्ता रवीन्द्र खनालका अनुसार वालिङ-१४ को पञ्चमूल अर्खलबासस्थित भित्री सडकखण्डमा सिख्रेबाट तिवारीपसलतर्फ आउँदै गरेको ग २ च ३०२६ नम्बरको जीप दुर्घटना हुँदा जीपमा सवार १३ जनाको मृत्यु भएको हो ।
उक्त दुर्घटनामा १२ जना घाइते छन् । घाइतेको अवस्था चिन्ताजनक रहेको प्रहरीले बताएको छ । घाइतेको वालिङस्थित गह्रौँ प्राथमिक अस्पतालमा उपचारपछि थप उपचारका लागि पोखरास्थित गण्डकी मेडिकल कलेज पठाइएको छ ।
मृतक तथा घाइतेको नामावली प्राप्त भइसकेको छैन । अहिले थप उद्धार कार्य जारी रहेको छ । उक्त दुर्घटनाको बारेमा थप जानकारी प्राप्त हुन बाँकी छ ।
*१३ हुनुपर्नेमा १४ भएकोमा सच्चाइएको छ – प्रधान-सम्पादक
