प्यूठान, भदौ १८ । प्यूठानका कोरोना भाइरस (कोभिड-१९) संक्रमित वृद्धको बुटवलमा मृत्यु भएको छ । प्यूठानको स्वर्गद्धारी नगरपालिका-७ का ५८ वर्षीय पुरुषको हिजो राती १०:३० बजे मृत्यु भएको स्वास्थ्य कार्यालय प्यूठानले जानकारी दिएको छ ।
निमोनियाको बिरामी भएका उनलाई उपचारका लागि गौतमबुद्ध मुटु अस्पताल बुटवलमा भर्ना गरिएको थियो। एक साता अघिदेखि उनको भेन्टिलेटरमा राखेर उपचार भइरहेको थियो ।
उपचारकै क्रममा कोरोना परीक्षण गर्दा पोजिटिभ देखिएको स्वास्थ्य कार्यालय प्यूठानका जनस्वास्थ्य अधिकृत पुष्कर प्रसाद श्रेष्ठले जानकारी दिए ।
