२६ जेठ, काठमाडौँ । नेपालमा पछिल्लो २४ घण्टामा २१ जनाले कोरोना भाइरस (कोभिड-१९) जितेसंगै नेपालमा कोरोना भाइरस जित्नेको संख्या ४८८ पुगेको छ । स्वास्थ्य तथा जनसङ्ख्या मन्त्रालयको नियमित पत्रकार ब्रिफिंगमा डा. डा. जागेश्वर गौतमले सो कुराको जानकारी गराएका छन् ।
मन्त्रालयका प्रवक्ता डा. गौतमका अनुसार निको हुने ४८८ जनामा ४१९ जना पुरुषहरु र ६९ जना महिलाहरु रहेका छन् । सोमबार डिस्चार्ज हुने २१ जनामा १ जना महिला र २० जना पुरुषहरु रहेका छन् । बाँकेको खजुरास्थित सुशील कोइराला प्रखर अस्पतालबाट २० जना र काठमाडौंको बलम्बुस्थित कोभिड-१९ अस्पतालबाट १ जना महिलाले कोरोना जितेर घर फर्किएका छन् ।
नेपालमा आज कोरोना भाइरस (कोभिड-१९) संक्रमण नयाँ ३१४ जनामा पुष्टि भएको छ । योसँगै नेपालमा कोरोना संक्रमितको संख्या ३७६२ पुगेको छ । आज ३१४ कोरोना संक्रमितहरुमध्ये २९४ जना पुरुषहरु र २० जना महिलाहरु रहेका छन् । नेपालमा अहिलेसम्म ३७६२ कोरोना संक्रमितहरुमध्ये ३५१२ जना पुरुषहरु र २५० जना महिलाहरु रहेका छन् । नेपालमा ७१ जिल्लामा कोरोना संक्रमण फैलिसकेको छ । नेपालमा पछिल्लो २४ घण्टामा २१ जनाले कोरोना भाइरस (कोभिड-१९) जितेसंगै नेपालमा कोरोना भाइरस जित्नेको संख्या ४८८ पुगेको छ ।
नेपालमा सिन्धुपाल्चोकका १ जना, बाँकेका १ जना, गुल्मीका १ जना, बाराका १ जना, ललितपुरका १ जना, अर्घाखाँचीका १ जना, दैलेखका १ जना, बाजुराका १ जना, दोलखाका १ जना, पाल्पाका १ जना, सुर्खेतका १ जना, डोल्पा १ जना, धनगढीका १ जना र स्याङ्जाका १ जना गरी १४ जनाको कोरोना संक्रमणबाट मृत्यु भईसकेको थियो ।
यो पनि पढ्नुहोस्
नेपालमा कोरोना संक्रमणबाट मृत्यु हुनेको संख्या १४ पुग्यो
नेपालमा संक्रमितको संख्या ३७६२ पुग्यो, आज थपिए कोरोनाका नयाँ ३१४ संक्रमित
