२६ जेठ, सप्तरी । सप्तरी जिल्लामा आज बिहान कोरोना भाइरस (कोभिड-१९) का नयाँ १६ जना संक्रमित थपिएका छन् । यो समेत जिल्लामा कोरोना संक्रमितको संख्या ९३ पुगेको छ ।
आज थापिनेहरुमा बलान विहुल गाउँपालिकाका १६ जनामा कोरोना पुष्टि भएको जिल्ला स्वास्थ्य कार्यालय सप्तरीले जानकारी दिएको छ । कार्यालयका अनुसार संक्रमितहरु पछिलो समय भारतबाट आएका र उनीहरू क्वारेन्टाइनमा बस्दै आएका थिए ।
नयाँ कोरोना संक्रमितहरु १२ देखि ४५ वर्ष उमेर समूहका रहेको र १ जना महिला समेत रहेकी छन् । संक्रमित सबैलाई सदरमुकाम राजविराजस्थित साइकृष्णा मेडिकल कलेजको आइसोलेसनमा ल्याउने तयारी भइरहेको छ ।
