देशभर ५५३ जनामा कोरोना पुष्टि, ४३३ जना निको Nepalpatra देशभर ५५३ जनामा कोरोना पुष्टि, ४३३ जना निको
८ आश्विन २०७९, शनिबार

देशभर ५५३ जनामा कोरोना पुष्टि, ४३३ जना निको


नेपालमा कोरोना

काठमाडौँ । नेपालमा पछिल्लो २४ घण्टामा २०४० जनामा पिसिआर परिक्षण गर्दा ४५१ जना र १७४९ जनामा एन्टीजेन परिक्षण गर्दा १०२ जना गरी जम्मा ३७८९* नमुनाको परीक्षण गर्दा ५५३* जनामा कोरोना भाइरस (कोभिड-१९) संक्रमण पुष्टि भएको स्वास्थ्य तथा जनसंख्या मन्त्रालयले जानकारी दिएको छ ।

स्वास्थ्य मन्त्रालयका अनुसार पछिल्लो २४ घण्टामा ४३३ जनाले कोरोना जितेसंगै नेपालमा कोरोना जित्नेको संख्या ९ लाख ७२ हजार ४९७ जना पुगेको छ । नेपालमा कोरोना निको हुने दर ९८.२ प्रतिशत रहेको मन्त्रालयले जनाएको छ ।

कोरोना संक्रमणवाट पछिल्लो २४ घण्टामा कोरोना संक्रमणवाट कसैको पनि मृत्यु भएको छैन । हालसम्म कोरोना संक्रमणवाट ११९७१ जनाको मृत्यु भईसकेको छ । नेपालमा कोरोना संक्रमणबाट मृत्यु हुने दर १.२ प्रतिशत रहेको मन्त्रालयले जनाएको छ ।

हाल देशभर ५६५९ जना सक्रिय कोरोना संक्रमितमध्‍ये ५५०७ जना होम आइसोलेसनमा रहेका छन् भने १५२ जना संस्थागत आइसोलेसनमा रहेका छन् । यस्तै ४५ जना आईसीयू र ३ जना भेन्टिलेटरमा उपचाररत रहेका छन् ।

हालसम्म नेपालमा ५८ लाख ३५ हजार ६३१ पिसिआर परीक्षण भएको छ भने १२ लाख ९९ हजार २२५ एन्टीजेन परीक्षण गरिएको छ भने क्वारेन्टाइनमा कोही पनि बसेका छैनन् ।

*एसएमएस र इमेलबाट प्राप्त आरडीटी एन्टीजेनको विवरण समावेश गरिएको छ ।


यो समाचार पढेर तपाईको प्रतिक्रिया के छ ?

प्रतिक्रिया दिनुहोस !