देशभर थप ३०८ जनामा कोरोना पुष्टि, २९८ जना भए निको Nepalpatra देशभर थप ३०८ जनामा कोरोना पुष्टि, २९८ जना भए निको
१४ मंसिर २०७८, मंगलबार

देशभर थप ३०८ जनामा कोरोना पुष्टि, २९८ जना भए निको


नेपालमा कोरोना

काठमाडौँ । नेपालमा पछिल्लो २४ घण्टामा ७१०४ जनामा पिसिआर परिक्षण गर्दा २८१ जना र १८०५ जनामा एन्टीजेन परिक्षण गर्दा २७ जना गरी ३०८ जनामा कोरोना भाइरस (कोभिड-१९) संक्रमण पुष्टि भएको स्वास्थ्य तथा जनसंख्या मन्त्रालयले जानकारी दिएको छ ।

स्वास्थ्य मन्त्रालयका अनुसार पछिल्लो २४ घण्टामा २९८ जनाले कोरोना जितेसंगै नेपालमा कोरोना जित्नेको संख्या ८ लाख १ हजार ४२० जना पुगेको छ । नेपालमा कोरोना निको हुने दर ९७.७ प्रतिशत रहेको मन्त्रालयले जनाएको छ ।

कोरोना संक्रमणवाट पछिल्लो २४ घण्टामा ३ जनाको मृत्यु भएसंगै हालसम्म कोरोना संक्रमणवाट ११५१६ जनाको मृत्यु भईसकेको छ । नेपालमा कोरोना संक्रमणबाट मृत्यु हुने दर १.४ प्रतिशत रहेको मन्त्रालयले जनाएको छ ।

पछिल्लो २४ घण्टामा काठमाडौं उपत्यकामा विभिन्न प्रयोगशालमा गरिएको परीक्षणमा आज १३० जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जानकारी दिएको हो । आज काठमाडौं जिल्लामा ७८ जना, ललितपुर जिल्लामा ३६ जना र भक्तपुर जिल्लामा १६ जनामा कोरोना संक्रमण देखिएको छ ।

हालसम्म नेपालमा ४५ लाख ९१ हजार ६६० पिसिआर परीक्षण भएको छ भने ७ लाख २१ हजार ३६१ एन्टीजेन परीक्षण गरिएको छ भने १०३ जना क्वारेन्टाइनमा बसेका छन् ।

हाल देशभर ७ हजार ३४९ जना सक्रिय संक्रमित रहेका छन् । आजसम्म ९३ लाख ६७ हजार ७८९ जनाले कोरोनाबिरुद्ध पहिलो मात्र खोप लगाइसकेका छन् भने ८१ लाख ५३ हजार ७३४ जनाले पूर्ण मात्रा खोप जम्मा १ करोड ७५ लाख २१ हजार ५२३ मात्रा कोरोना खोप लगाई सकिएको छ ।


यो समाचार पढेर तपाईको प्रतिक्रिया के छ ?

प्रतिक्रिया दिनुहोस !