थप २४०१ जनामा कोरोना पुष्टि, ३६६० जना संक्रमणमुक्त Nepalpatra थप २४०१ जनामा कोरोना पुष्टि, ३६६० जना संक्रमणमुक्त

२१ श्रावण २०७८, बिहिबार

थप २४०१ जनामा कोरोना पुष्टि, ३६६० जना संक्रमणमुक्त


नेपाल कोरोना

काठमाडौँ । नेपालमा पछिल्लो २४ घण्टामा ७०१० जनामा पिसिआर परिक्षण गर्दा १६८८ जना र ४६८६ जनामा एन्टीजेन परिक्षण गर्दा ७१३ जना गरी २४०१ जनामा कोरोना भाइरस (कोभिड-१९) संक्रमण पुष्टि भएसंगै नेपालमा पिसिआर परिक्षणद्वारा कोरोना संक्रमितको संख्या ६ लाख १९ हजार ६३५ जना पुगेको छ ।

मन्त्रालयका अनुसार पछिल्लो २४ घण्टामा ३६६० जनाले कोरोना जितेसंगै नेपालमा कोरोना जित्नेको संख्या ५ लाख ५३ हजार ३४२ जना पुगेको छ । कोरोना संक्रमणवाट पछिल्लो २४ घण्टामा ३४ जनाको मृत्यु भएसंगै हालसम्म कोरोना संक्रमणवाट ८६७५ जनाको मृत्यु भईसकेको छ ।

हालसम्म नेपालमा ३२ लाख ६२ हजार ५८९ पिसिआर परीक्षण भएको छ । सक्रिय कोरोना संक्रमितको संख्या ५७ हजार ६१८ जना रहेको छ भने ४४१ जना क्वारेन्टाइनमा रहेको मन्त्रालयले जनाएको छ ।

कोरोना सक्रिय संक्रमितमध्ये ५३ हजार ७३३ जना होम आइसोलेसनमा र ३८८५ जना संस्थागत आइसोलेसनमा रहेका छन् । यस्तै ८७४ जना आईसीयूमा र २५८ जना भेन्टिलेटरमा रहेका छन् ।

मन्त्रालयले उपलब्ध गराएको विवरणमा हालसम्म २५ लाख १९६ ले कोरोना विरुद्धको पहिलो मात्राको खोप लगाएका छन् । दोस्रो मात्रा खोप लगाउनेको सङ्ख्या ७ लाख ३१ हजार ६५३ पुगेको छ ।


यो समाचार पढेर तपाईको प्रतिक्रिया के छ ?

प्रतिक्रिया दिनुहोस !
ताजा