१४ बैशाख २०८१, शुक्रबार

नेपालमा संक्रमितको संख्या ३५ हजार नाघ्यो, आज एकैदिन थपिए कोरोनाका नयाँ ११११ संक्रमित


प्रा. डा. जागेश्वर गौतम

काठमाडौँ, भदौ ११ । नेपालमा आज कोरोना भाइरस (कोभिड-१९) संक्रमण नयाँ ११११ जनामा पुष्टि भएको छ । जसमा ३३४ जना महिलाहरु र ७७७ जना पुरुषहरु रहेका छन् । योसँगै नेपालमा कोरोना संक्रमितको संख्या ३५५२९ पुगेको छ । स्वास्थ्य तथा जनसंख्या मन्त्रालयका प्रवक्ता प्रा. डा. जागेश्वर गौतमले मन्त्रालयमा हुने नियमित पत्रकार ब्रिफिंगमा सो कुराको जानकारी दिएका छन् ।

मन्त्रालयका प्रवक्ता डा. गौतमका अनुसार पछिल्लो २४ घण्टामा १२६२९ पीसीआर परीक्षण गरिएको छ भने आजसम्म ६ लाख ४७ हजार ८८१ पीसीआर परीक्षण गरिसकिएको छ । सक्रिय संक्रमितको संख्या १५२७३ सक्रिय संक्रमित रहेका छन् । संस्थागत आइसोलेसनमा ९०६३ जनाको उपचार भइरहेको छ भने होम आइसोलेसनमा ६२१० जना रहेका छन् । साथै हालसम्म क्वारेन्टाइनमा ९४८८ जना रहेका छन् ।

काठमाडौं उपत्यकामा आज अहिलेसम्मकै उच्च ३७७ जनामा कोरोना संक्रमण पुष्टि भएको छ । मन्त्रालयका प्रवक्ता डा. गौतमका अनुसार आज काठमाडौं जिल्लाका २७० जना, ललितपुर जिल्लाका ६६ जना र भक्तपुर जिल्लाका ४१ जनामा कोरोना संक्रमण देखिएको छ ।

नेपालमा पछिल्लो २४ घण्टामा ५६९ जनाले कोरोना जितेसंगै नेपालमा कोरोना भाइरस जित्नेको संख्या २००७३ पुगेको छ । नेपालमा कोरोना संक्रमणबाट थप ८ जनाको मृत्यु भएको पुष्टि भएसंगै नेपालमा कोरोना संक्रमणबाट मृत्यु हुनेको संख्या १८३ पुगेको पुष्टि भएको छ ।

यो पनि पढ्नुहोस्

नेपालमा संक्रमितको संख्या ३४ हजार नाघ्यो, आज थपिए कोरोनाका नयाँ ८८५ संक्रमित


यो समाचार पढेर तपाईको प्रतिक्रिया के छ ?

प्रतिक्रिया दिनुहोस !