कोरोना भाइरस एक प्रकारको सरूवा रोग हो, यो रोग श्वास-प्रश्वाससंग सम्वन्धित छ । यो कुनै यौन रोग होइन हाम्रो समाजमा यसलाई हेर्ने तरिका धेरै फराकिलो बनेको देखिन थालेको छ । रूघा र कोरोनामा खासै भिन्नता छैन ।
नोबेल कोरोनाका कारण सक्रमित भएकाहरूमा नकरात्मक सन्देश गएको देखिन थालेको छ । यो रोग कुनै कसैले अपराध गरेझै पुलिस नै लगाएर लग्नु पर्दा मानिसमा मैले कुनै अपराध गरेकी भन्ने जस्ता सन्देश गएको देखिन थाल्नु आफैमा यो गलत हो ।
मर्न कसैलाई रहर छैन यसको सहि उपचार हुन नसके मानिस मर्न सक्छ भन्ने सन्देश जान सके सोच्ने तरिकामा परिवर्तन हुन सक्छ । पुलिस नै पठाउदा ठुलो मुद्दा हुने र व्यक्तिले कुनै अपराध गरेको जस्तो देखिने भएकाले कसैको इज्जतसंग खेलवाड नगरी यो रोग हो । यसको उपचार गरौं नगर्दा परिवार मात्र होइन सिङ्गो समाजलाई रोग सर्न सक्छ भन्ने सन्देश प्रवाह गर्न सके धेरै राम्रो हुने देखिन्छ ।
यस्ता रोग लागेका मान्छेले मलाई पनि कतै यो रोग लागेको पो छ की भन्ने भावनाको विकास गर्न सके र उसमा रोग चेक गराउनु पर्छ भन्ने भावनाको विकास गराउन सके ठूलो उपलब्धि हुनेछ । यस्ता रोगको नियन्त्रण गर्न प्रहरी नभई स्वास्थ्य स्वयम् सेवक परिचालन गराउन सके धेरै राम्रो हुने देखिन्छ ।
समय परिवर्तन भइसकेको अवस्थामा पनि हामीले राम्रो सन्देश समाजमा दिन सके ठूलो उपलब्धि हुने देखिन्छ । आज यसले उपचार गर्ने स्वास्थ्यकर्मी जसले आफ्नो स्वास्थ्यको प्रवाह नगरी उपचारमा खटेको हुन्छ, त्यस्ता व्यक्तिलाई समेत बदनाम गर्ने जस्ता काम गरेको छ ।
गणना गरौं तर व्यक्ति र स्वास्थ्यकर्मीको नाम भने गोप्यता भंग नहुने गरि काम गर्न सके मलाई लाग्छ यस्को समाधान चाँडो हुन सक्छ । मानिसले रोग दवाउने प्रयत्न गर्ने छैन । यदि कुनै व्यक्ति बाहिरबाट आएको छ भने उ स्वयम् चेक गराउन जान सक्छ । चेक गराउदा समाजमा बदनाम हुने डरले चिकित्सक मात्र होइन व्यक्ति समेत डराएको हुन्छ ।
*डा. राम बहादुर बोहरा नेपाल वैकल्पिक चिकित्सा विकास परिषद नवलपरासीको अध्यक्ष, बरिष्ट आयुर्वेद डाक्टर, साइन्स इन्फोटेकका सल्लाहकार तथा नेपालपत्रको सल्लाहकार तथा स्वास्थ्य स्तम्भकार हुनुहुन्छ ।
