मन्त्री आलेद्वारा ‘सर्वजित’ फिल्मका लागि ५ महिनाको तलब दिने घोषणा Nepalpatra मन्त्री आलेद्वारा ‘सर्वजित’ फिल्मका लागि ५ महिनाको तलब दिने घोषणा
१४ असार २०७९, मंगलबार

मन्त्री आलेद्वारा ‘सर्वजित’ फिल्मका लागि ५ महिनाको तलब दिने घोषणा


शेरबहादुर देउवा र प्रेम आले अन्तर-पार्टी दलित महिला संजालले १७ औँ जातीय भेदभाव तथा छुवाछूत उन्मूलन राष्ट्रिय दिवसका अवसर शनिबार प्रधानमन्त्री निवास बालुवाटारमा आयोजना गरेको कार्यक्रममा ‘सर्वजित’ नामक चलचित्रको शुभ मुहुर्त कार्यक्रममा प्रधानमन्त्री शेरबहादुर देउवा । तस्वीर ः रोशन सापकोटा, रासस

काठमाडौँ । संस्कृति, पर्यटन तथा नागरिक उड्डयनमन्त्री प्रेमबहादुर आलेले चलचित्र ‘सर्वजित’ निर्माणका लागि आफ्नो पाँच महिनाको तलब सहयोग गर्ने घोषणा गरेका छन् । प्रधानमन्त्री निवास बालुवाटारमा आज आयोजित एक कार्यक्रमबीच चलचित्रको शुभमुहूर्त कार्यक्रममा भएको थियो ।

चलचित्रको आज बालुवाटारबाटनै प्रधानमन्त्री शेरबहादुर देउवाले शुभमुहूर्त गरेका हुन् । उक्त कार्यक्रममा मन्त्री आलेले चलचित्र निर्माणका लागि आफ्नो ५ महिनाको तलब सहयोग गर्ने घोषणा गरेका हुन् । सो चलचित्रलाई दिनेश डिसीले निर्देशन गर्नेछन् ।

‘सर्वजित’ नामक चलचित्र दलित आन्दोलनका अगुवा भगत सर्वजित विश्वकर्माको जीवनमा आधारित हुने बताइएको छ । आज जातीय भेदभाव तथा छुवाछूत उन्मूलन दिवसका अवसरमा उक्त चलचित्रको शुभमुहूर्त गरिएको हो । उक्त चलचित्र निर्माणका लागि रु एक करोड २५ लाखको लागत अनुमान गरिएको छ ।


यो समाचार पढेर तपाईको प्रतिक्रिया के छ ?

प्रतिक्रिया दिनुहोस !