शोभा काफ्ले खतिवडा 
कतै छैन खै मेरो यो शिरमा देशको ढुक्कको शिरानी !
यो भूमिमा छैन है खै कतै जीवनको पनि कहानी !!
यो देशको शोभा नै हाम्रो भूमि नेपाली शान हो !
मनको मायाँ पोखेर बाँचौँ बमान त हो !!
तिमी हौ देशको नायक अव यो मुलुक बनाऊ !
असल मानिस बनेर पहिले देश सुन्दर बनाऊ !!
गरे के हुँदैन यो मेरो पवित्र धरामा कर्म र काम !
सुन नदिमा फल्छ यहाँ हिरा खानीमा खोज्न जाऊँ !!
यो हिमाली जलमा नि हामी उर्जाको खेती नै लगाऊँ!
पाहाड र तराईमा फल र अन्न हामी मिलेर रोपौँ!!
यो नेपाली विरहरुको हो नि बहादुरीको जन्मभूमि !
कतै छैन कहीँ यस्तो अजात सत्रुको पवित्र भूमि !!
जनताको नै पसिनाले यहाँ पालिएका मानिस पनि !
आफ्नो कर्म खोज्छन भूमिमा यो देशका मानिस पनि !!
सत्ताको मदले बेहोस् नहुन सत्तामा बस्नेहरु !
बाहिर बसी आत्तिने नगरौँ विपक्षी मनहरु !!
भाँड भैलो गरी सत्ता हत्याउने खेल अव नखेलौँ !
मिलेर बसौँ सहयोग गरौँ यो देश सुन्दर बनाऔँ!!
पालोलाई पर्खौँ,सहयोग गरौँ जितेर जानेलाई !
असल विपक्षी बनेर भोली बहुमत ल्याउनलाई !!
