एउटा चिठी देशलाई लेख्न कति न मन छ !
तर देशले पढ्न सक्दैन भन्ने ममा डर छ !
अखण्ड यो मेरो भूमि कहिले सुन्दर बन्छ ?
समृद्धिको भाग्य देशको कसले होला कोर्छ ? १
पाखा भित्ता मेरो देशको बनेमा अति सुन्दर !
मेरो देश यस जगत कै बन्दछ कति पावन !
देशको गर्भ कति सुन्दर र हराभरा छ बुझौ !
हिरा मोती, खनिजले भरिएको छ मानौ !! २
दैश हेर्ने चस्मा कसले कता लगि लुकायो ?
खोजेर देशको मुहार हेर्ने वीर पो चाहियो
देश हाम्रौ पहिचान राष्ट्रियताको पनि हो !
देशको गौरव बढाउन एकजुट हुनु पनि हो ३
मेरो माटो मगमगाउनै शुभ कर्म गर्नलाई !
एउटा मानिस मात्र वहादुर चाहिएको छ !!
यो देश बुझ्ने देश पढ्ने मानिस चाहियो !
सगरमाथा जोगाउने वीर योद्धा चाहियो !! ४
सत्ता भन्दा पर तिम्रो सुन्दर देश पो छ है !
खोजे जगतको अपूर्व यो देश बन्दछ है !!
भाग्य देश बनाउने जुरेको यसै जुनीलाई
देशकालागि कर्म गर्दै बिताऊँ जीवनलाई ५
शुभा
*शोभा काफ्ले खतिवडा लेखक, साहित्यकार, सामाजिक अभियन्ता हुनुहुन्छ ।
यो पनि पढ्नुहोस्
प्रधानमन्त्रीलाई पत्र – सत्ता छाडी गाऊँ जाऊँ
प्रधानमन्त्रीलाई पत्र – फर्किए देशमा युवा
प्रधानमन्त्रीलाई पत्र – लोकतन्त्रका बन्दी हामी नेपाली
प्रधानमन्त्रीलाई अनुरोध पत्र – त्याग र तपले बनोस मेरो देश
