काठमाडौँ। राष्ट्रिय सभाका अध्यक्ष नारायणप्रसाद दाहालले बजारमा देखिएको खाना पकाउने ग्यासको अभावलाई लिएर सरकारको गम्भीर ध्यानाकर्षण गराएका छन् ।
बुधबारको राष्ट्रिय सभाको बैठकमा सांसदहरूले बजारमा ग्यासको चरम अभाव भएको र उपभोक्ताहरू मर्कामा परेको विषय निरन्तर उठाएपछि अध्यक्ष दाहालले सरकारका नाममा रुलिङ गरेका हुन् ।
पछिल्लो समय बजारमा ग्यासको कृत्रिम अभाव सिर्जना भएको र सर्वसाधारणले सास्ती भोग्नुपरेको भन्दै सांसदहरूले सरकारको आलोचना गर्दै आएका थिए। अध्यक्षको यो रुलिङसँगै अब सरकारले ग्यास आपूर्तिको अवस्था र बजार अनुगमनका बारेमा सदनलाई जानकारी गराउनुका साथै आपूर्ति सहज बनाउन ठोस कदम चाल्नुपर्नेछ।
