काठमाडौँ । सुनसरीको कप्तानगञ्जमा प्रहरीको गोली लागेर उपचारको क्रममा आज मंगलबार त्रिवि शिक्षण अस्पताल महाराजगञ्जमा मृत्यु भएका रवीन्द्र मेहेताको परिवारका सदस्य र आफन्तले गृहमन्त्री सुधन गुरुङ नआउँदासम्म शव बुझ्न मानेका छैनन् ।
अस्पतालको आइसीयूअगाडि बसेर उनीहरुले गृहमन्त्री आउनुपर्ने, सरकारले आफूहरुको माग सम्बोधन गर्नुपर्ने माग राखेका छन् । अहिलेसम्म कसैलाई गिरफ्तार नगरिएको, छानबिन समितिको प्रतिवेदन सार्वजनिक नगरिएको, गोली चलाउने कसैलाई पनि निलम्बन नगरिएको, राज्यले केवल सम्झौता गरी घटनालाई मत्थर पार्न खोजेको आफन्तहरूले आरोप लगाएका छन्।
