काठमाडौं । नेपाली कांग्रेसका सभापति गगन थापाले गोपालमान श्रेष्ठलाई वरिष्ठ नेता बनाएका छन् । आज बिहीबार काठमाडौं भएको कार्यक्रम मार्फत सभापति थापाले नेता श्रेष्ठलाई वरिष्ठ नेता बनाउने घोषणा गरेका हुन् ।
सभापति थापाले आगामी १२ गते बस्ने केन्द्रीय समितिबाट अनुमोदन गराउने गरी अहिले श्रेष्ठलाई वरिष्ठ नेता बनाउने निर्णय भएको बताए । श्रेष्ठ काँग्रेसको विशेष महाधिवेशनको पक्षमा खुलेका थिए ।
नेता श्रेष्ठ हाल उपचाररत रहेका छन् । उनी क्यान्सर रोगबाट पिडित छन् । हाल नेपालमा उपचाररत श्रेष्ठको केही समय अघि भारतमा समेत उपचार भएको थियो ।
पूर्व सभापति शेरबहादुर देउवा निकट रहेर लामो समय कार्य गरेका श्रेष्ठले विगतमा कार्यवाहक सभापति, उपसभापति लगायका पदीय भूमिकामा समेत थिए ।
