काठमाडौं, २४ साउन– ब्राजिलमा जारी ओलम्पिक प्रतियोगिताको दोस्रो दिन सबैभन्दा कान्छी प्रतिस्पर्धी गौरीका सिंह आफ्नै नाममा रहेको १०० मिटर ब्याकस्ट्रोकको राष्ट्रिय किर्तिमान तोड्नबाट चुकेकी छन् ।
१३ वर्षको उमेरमा ओलम्पिकमा सहभागिता जनाएकी गौरीकाले सय मिटर ब्याकस्ट्रोक १ मिनेट ८ दशमलव ४५ मिनेटमा पुरा गरिन् । जवकी १२ औं सागमा उनले १ मिनेट ०७ दशमलव ३१ सेकेन्डको राष्ट्रिय कीर्तिमान कायम गरेकी थिइन्।
आफ्नै नामको किर्तिमान तोड्न १ दशमलव १४ सेकेन्डले चुकेकी उनी ३४ प्रतिस्पर्धीमध्ये ३१ औं स्थानमा रहिन् ।
हिट्समा भने उनी नम्बर १ भइन् । हिट्समो उनले सामाओकी इभिलिनालाई ० दशमलव २९ सेकेन्डले पछि पारेकी थिइन्।
