फाइल फोटो
काठमाडौँ । माल्दिभ्सको राजधानी मालेमा आज भएको फाइनल खेलमा भारत विजयी भएको छ । साफ च्याम्पियनसिप २०२१ को फाइनल फुटबल खेलमा नेपालविरुद्ध भारतले ३-० को अग्रता लिंदै सानदार जित हासिल गरेको हो ।
खेलको दोस्रो हाफमा भारतका कप्तान सुनिल क्षेत्रीले भारतलाई खेलको ४९ औँ मिनेटमा गोल गर्दै अग्रता दिलाएका थिए । खेलको दोस्रो हाफमा ५० औँ मिनेटमा सुरेश सिंहले भारतको लागि दोस्रो गोल गरेका थिए । एक मिनेटको अन्तरमा भारतले दुई गोल गर्दै अग्रता लिएको थियो ।
त्यस्तै खेलको दोस्रो हाफमा भारतले तेस्रो गोल गरेको थियो । खेलको इन्जुरी समयमा सहाल अब्दुद समादले तेस्रो गोल गर्दै भारतलाई सानदार जित दिलाएका हुन् ।
पहिलो हाफको खेलमा नेपाल र भारत दुवै टिमको तर्फवाट कुनै पनि गोल हुन सकेन् । पहिलो हाफमा वर्षाका कारण दुवै टीमका खेलाडीले खुलेर खेल्न सकेनन् । नेपालका गोलकिपर किरण चेम्जोङले राम्रो प्रदर्शन गर्दै नेपाललाई गोल हुनवाट बचाएका थिए ।
यो पनि पढ्नुहोस्
साफ च्याम्पियनसिप फाइनल : भारतले गर्यो नेपालविरुद्ध तेस्रो गोल
साफ च्याम्पियनसिप फाइनल : भारतले गर्यो नेपालविरुद्ध दोस्रो गोल
साफ च्याम्पियनसिप फाइनल : भारतले गर्यो नेपालविरुद्ध पहिलो गोल
साफ च्याम्पियनसिप : फाइनल खेलमा प्रशिक्षक अलमुताइरीलाई प्रतिबन्ध
