१९ पुस, काठमाण्डौ । प्रिमियर लिग फुटबलमा म्यानचेष्टर सिटीले आफ्नो अपराजित यात्रा कायमै राखेको छ । २२ औं खेलमा गएराती वाटफोर्टलाई ३–१ गोल अन्तरले हराउँदै दोस्रो स्थानको म्यानचेष्टर युनाईटेडसँगको दुरी पुन: १५ अंकमा सिटिले पुर्याएको हो ।
राहिम स्टर्लिङले म्यान सिटिको खाता खेलको पहिलो मिनेटमै खोलेका थिए । १३ औँ मिनेटमा उपहार गोलमार्फत अग्रता दोब्बर बनाएको सिटिका लागि ६३ औँ मिनेटमा सर्जियो अगुईरोले अर्को गोल थपेका थिए ।
वाटफोर्टले ८२ औँ मिनेटमा गोल फर्काएपनि त्यसपछिको खेलमा प्रभाव जमाउन नसक्दा हार ब्योहोर्न बाध्य भयो । २२ खेलको समाप्तीमा सिटि ६२ अंकका साथ तालिकाको शीर्ष स्थानमा जमेर बसेको छ । टटनह्यामले स्वान्सीलाई २–० ले गएराती स्तब्ध पार्यो । जारी सिजन १२ औँ जित हात पार्ने क्रममा टटनह्यामका लागि फर्नाण्डो लोरेन्ट र डेल अलीले गोल गरे ।
