किरा खाने मांशहारी बनस्पतीहरु

बनस्पतिहरु पनि मांशहारी हुन्छन भन्ने कुरा यहाँहरुलाई पत्याउन गाह्रो पर्छ होला तर संसारको केहि भागमा यस्ता बनस्पतीहरु पाइन्छ्न जसले किराहरुलाई आफ्नो आहारा बनाउने गर्दछन । यस्ता बनस्पतीहरुले माटोबाट पोशक पदार्थ प्राप्त गर्न नसक्ने हुनाले आफ्नो शरिरको बिशेस भागबाट किराहरु पक्री किराको शरिरलाई घुलाई त्यसबाट पोशक पदार्थ सोसेर लिने गर्दछ ।

त्यस्ता बनस्पतीहरु जानकारी र फोटो तल प्रस्तुत गरिएको छ ।

पिचर प्लान्ट ( pitfall traps)

यो बनस्पती दक्षिण एसिया र इन्डियन ओसनको वोरिपरी पाइन्छ । यो बनस्पतीमा ढक्कन सहितको थैली हुन्छ जुन थैलीभित्र तरल पदार्थ रहेको हुन्छ। जव किराहरु सो थैलिभित्र प्रबेश गर्दछ तव उक्त थैलिको ढक्कन बन्द हुन्छ जसको कारणले गर्दा किरा भाग्न पाउदैन । थैली भित्र प्रबेश गरेको किरालाई तरल पदार्थले घुलाईदिन्छ र बनस्पतिले किराको शरिरबाट पोषक पदार्थ सोसेर लिन्छ। कुनै कुनै पिच र प्लान्टहरु साना साना किरा मुसा र छेपारोहरुलाई समेत पक्रन सक्ने गरी ठुलो आकारमा बिकाश भएको हुन्छ ।

ब्रोचिनिया रिडुक्टा (brocchinia reducta)

यो बनस्पती दक्षिण अ्मेरिकी मुलुक कोलम्बिया, ब्राजिल्,भेनेजुयला, गुयाना आदी देशमा पाइन्छ । यो बनस्पतिको पातमा चिप्लो पदार्थ हुन्छ । उक्त चिप्लो पदार्थमा चिप्लियर किराहरु पातको फेदमा आबस्थित इन्जाइम युक्त तरल पदार्थ भएको थैलोमा पुग्छ र किराको शरिर घुलेर जान्छ अनि बनस्पतिले आवश्यक पदार्थ सोसेर लिन्छ। यो बनस्पतिले पराबैजनी किरणलाई पराबर्तन गरी किरालाई आफुमा आकर्सित गर्छ । त्यस्तै किरालाई आकर्सित गर्ने गन्धयुक्त्त रसायन निकालेर पनि यसले किरालाई आफुतिर आकर्सित गर्दछ ।

बटरवोर्ट (butterworts)

यो बनस्पती अस्ट्रेलिया बाहेक अन्य सबै महादेशको चिसो र ओसिलो ठाउमा पाइन्छ । यस्को पातमा गम जस्तो च्याप च्याप लाग्ने पदार्थ हुन्छ र सोही पदार्थमा किराहरु टासिन्छ्न ।

ड्रोसेरा (drosera)

यो बनस्पतिलाई सन्डिउ पनि भनिन्छ । यो रङिन हुन्छ । यो एन्टार्टिका बाहेक सबै महादेशमा पाइन्छ । यसमा टेन्टाकल जस्तो आकृती भएको भाग हुन्छ जस्को काम किरालाई आल्झाउनु हो ।

भेनस फ्लाई ट्र्याप (venus fly trap)

यो बिरुवा अमेरिकामा पाइन्छ। यस्ले आफ्नो काँडेदार ढक्कन भएको पातमा किराहरु छिरेपछी ढक्कन बन्द गरी आहारा बनाउदछ ।

वाटर व्हील प्लान्ट् (water wheel plant)

यो बनस्पती पानीमा पाइन्छ र यस्को जरा हुँदैन यसले पनि भेनसाफ्लाई ट्र्यापले जस्तै किरा पकड्दछ ।

ब्ल्याडर वोर्ट ( bladder worts)

संसारमा २२३ भन्दा बढी जातका ब्ल्याडर वोर्ट बनस्पती पाइन्छ्न। यि बनस्पतीहरु पानी र जमिन दुबै ठाउमा पाइन्छ। यसले आफ्नो शरिरमा किरालाई पकड्नको लागी अचानक थैली जस्तो आकृती सिर्जना गर्द्छ ।

प्यारोट पिचर प्लान्ट ( parrot pitcher plant)

यो द्क्षिणी अ्मेरिकामा पाइन्छ । यसले आफ्नो नेक्टरको सहायताले किराहरु पकड्ने गर्दछ ।

लब्स्टर पट ट्र्याप्  (lobosterpot plant)

यसलाई क्यालिफोर्निया पिच र प्लान्ट वा कोब्रा लिली वा कोब्रा प्लान्ट पनि भनिन्छ । यसको आकृती कोब्रा सर्पको जस्तो हुने भएकोले यसलाई कोब्रा लिली पनि भनिएको हो । यसले पनि मिठो गन्ध निकालेर किरालाई आकर्सित गरी पकड्ने गर्दछ ।