![रवि लामिछाने र सर्वोच्च अदालत](https://i0.wp.com/nepalpatra.com/wp-content/uploads/2023/01/Rabi-Lamichhane-and-Supreme-court.jpg?fit=1301%2C549&ssl=1)
काठमाडौँ । सर्वोच्च अदालतले राष्ट्रिय स्वतन्त्र पार्टी (रास्वपा) का सभापति रवि लामिछानेले अमेरिकी राहदानी त्यागेको निस्सा माग गरेको छ । सर्वोच्चले लामिछानेले अमेरिकी राहदानी त्याग गरेको निस्सा पेस गर्न आदेश जारी गरेको हो ।
आज बुधबार सर्वोच्चका न्यायाधीश हरिप्रसाद फुयालको इजलासमा राहदानी मुद्दामा छुटकारा दिने महान्यायाधिवक्ता कार्यालयको निर्णयविरुद्ध परेको रिटमा प्रारम्भिक सुनुवाइ सुनुवाइ गर्दै राहदानी त्यागेको निस्सा मागेको हो ।
इजलासले लामिछानेविरुद्ध राहदानी कसुरमा मुद्दा चलाउन नपर्ने कारण महान्यायाधिवक्ता कार्यालय लगायत सम्बन्धित निकायसँग माग गरेको हो । मुद्दा नचलाउने निर्णय कार्यान्वयन नगर्न निवेदक युवराज पौडेल ‘सफल’ ले माग गरे तापनि सर्वोच्चले रिटको अन्तिम किनारा लाग्दै सम्बोधन हुने भन्दै अन्तरिम आदेश भने आज दिएन ।
लामिछानेविरुद्ध परेको रिटमाथि सर्वोच्चले महान्यायाधिवक्ताको कार्यालयलाई मुद्दा नचलाउनुको कारण माग गरेको छ । यसअघि लामिछानेको राहदानी दुरुपयोगसम्बन्धी मुद्दा नचल्ने भनी महान्यायाधिवक्ता डा. दिनमणि पोखरेलले गरेको निर्णय बदर गर्नुपर्ने माग गर्दै दायर भएको रिट निवेदन सोमबार दर्ता भएको थियो ।
महान्यायाधिवक्ता डा. पोखरेलले गत चैत ६ गते लामिछानेमाथि राहदानी दुरुपयोगमा मुद्दा नचलाउने निर्णय गरेका थिए । अधिवक्ता सफलद्वारा लामिछानेविरुद्ध दायर गरेको रिट निवेदनमा राहदानी दुरुपयोगमा सजाय हुनुपर्नेमा उन्मुक्ति दिएको उल्लेख गर्दै उक्त निर्णय बदर गर्न माग गरिएको थियो ।
यस्तो छ सर्वोच्च अदालतले दिएको कारण देखाऊ आदेश
यो पनि पढ्नुहोस्
रवि लामिछानेविरुद्ध परेको रिटमा सर्वोच्चद्वारा कारण देखाऊ आदेश जारी