काठमाडौं । सत्ता साझेदार दल राष्ट्रिय प्रजातन्त्र पार्टी (राप्रपा) को केन्द्रीय कार्यसम्पादन समितिको बैठक आज बस्दै छ । राप्रपाको केन्द्रीय कार्यसम्पादन समितिको बैठक दिउँसो साढे १२ बजे बस्ने भएको छ ।
आज बस्ने बैठकमा राष्ट्रपति पदको आसन्न निर्वाचनलगायत विषयमा छलफल गरिने पार्टीका प्रवक्ता मोहनकुमार श्रेष्ठले जानकारी दिए । राष्ट्रपतिको निर्वाचनलगायत समसामयिक राजनीतिक परिस्थितिको समीक्षा गर्दै आगामी रणनीति तय गर्न राप्रपा केन्द्रीय कार्यसम्पादन समितिको बैठक बस्न लागेको उनले बताएका छन् ।
राप्रपाले राष्ट्रपति निर्वाचनमा कुन दललाई सहयोग गर्ने भन्ने निर्णय गरिसकेको छैन । पार्टीमा राष्ट्रपति निर्वाचनमा मतदान गर्न नहुने आवाज पनि उठिरहेकोले यस विषयमा आजको बैठकले ठोस निर्णय गर्ने छ ।
