फाइल फोटो
काठमाडौं । नेपाली कांग्रेस नेता रामचन्द्र पौडेलले काठमाडौँको लैनचौरस्थित लैनचौर पार्टी प्यालेसमा आयोजना गरेको चियापान कार्यक्रममा काँग्रेस सभापतिका उम्मेदवारहरु शेरबहादुर देउवा र डा. शेखर कोइराला पुगेका छन् ।
चियापान कार्यक्रममा पौडेललाई फकाउन देउवा र कोइराला दुवै जना चियापान स्थल पुगेका हुन् । पौडेल आफैले आयोजना गरेको सो चियापान समारोहमा पौडेल र देउवाबिरुद्ध चर्को नाराबाजी भएको छ ।
काठमाडौँको लैनचौरस्थित लैनचौर पार्टी प्यालेसमा पौडेलले आयोजना गरेको चियापान कार्यक्रममा प्रधानमन्त्री समेत रहेका देउवाको अचानक इन्ट्री भएको छ । पौडेललाई मनाउन देउवा त्यहाँ पुगेका थिए ।
सोही क्रममा नेता पौडेलले विवेक पुर्याएर मतदान गर्न आग्रह गरेतापनि कसैको पक्षमा पनि नउभिएपछि उनीविरुद्ध महाधिवेशन प्रतिनिधिले नाराबाजी समेत गरेका थिए । यसअघि कोइरालाको पक्षमा नबोलेको भन्दै चियापान कार्यक्रममै नेता पौडेलविरुद्ध ‘हुटिङ्’ भएको छ ।
कांग्रेसका वरिष्ठ पौडेलले आयोजना गरेको चियापनमा देउवाविरुद्ध पनि नाराबाजी भएको छ । देउवा चियापनस्थलमा प्रवेश गर्नेबित्तिकै नाराबाजी भएको थियो । पौडेलले देउवालाई मञ्चसम्म पुर्याए पनि नाराबाजी जारी रहेको थियो ।
तर, सभापतिका अर्का उमेदवार शेखर कोइराला कार्यक्रमस्थलमा प्रवेश गरेपछि भने नाराबाजी रोकियो । लैनचौरमा नेता पौडेलले महाधिवेशन प्रतिनिधिहरुका लागि चियापान आयोजना गरेका थिए ।
काँग्रेस सभापतिला लागि दोस्रो चरणको मतदान हुनुअघि देउवा वा डा. शेखर कोइराला कसलाई मतदान गर्ने भन्ने बारेमा निर्णय गर्न पौडेलले चियापान समारोह आयोजना गरेका हुन् ।
यो पनि पढ्नुहोस्
