काठमाडौं । सत्तारुढ दल नेपाली काँग्रेसका कोषाध्यक्ष सीतादेवी यादवले कुनै पनि पदमा उम्मेदवारी नदिने घोषणा गरेकी छिन् ।
यादवले पार्टीमा आकांक्षी धेरै भएको र नेताहरुको व्यवस्थापनमा समस्या देखिएको भन्दै कुनै पदमा उम्मेदवार नबन्ने निर्णय लिएको बताइन् ।
उनले सहमतिमार्फत नेतृत्व चयन हुनुपर्ने पक्षमा आफू रहेको पनि बताइन् । पदाधिकारीमा उम्मेदवारी दिने इच्छा रहेपनि नेताहरुबीच हानथाप देखिएकाले आफू पछाडि हटेको उनको भनाइ छ ।
