काठमाडौँ । प्रतिनिधिसभा बैठकको आज बिहीबार बस्दैछ । संघीय संसद सचिवालयका अनुसार बैठक दिउँसो २ बजे बस्नेछ ।
बैठकमा प्रधानमन्त्री शेरबहादुर देउवाले राष्ट्रिय दलित आयोगको वार्षिक प्रतिवेदन-२०७७/७८ पेस गर्ने गर्ने सम्भावित कार्यसूची रहेको संसद सचिवालयले जानकारी दिएको छ।
यसअघि कात्तिक ९ गते मङ्गलबारका लागि निर्धारण गरिएको प्रतिनिधिसभाको बैठक स्थगित गरिएको थियो । सङ्घीय संसद् सचिवालयका महासचिव डा. भरतराज गौतमले सूचनापत्र जारी गर्दै विशेष कारणबस सो दिन उक्त समयमा बैठक बस्न नसक्ने उल्लेख गरेका थिए ।
सभामुख अग्निप्रसाद सापकोटाले प्रतिनिधिसभाको अर्काे बैठक कात्तिक ११ गते बिहीबार दिनको २ बजे बस्ने गरी निर्धारण गरेको पनि उक्त सूचनापत्रमार्फत जानकारी दिइएको थियो ।
