काठमाण्डौ । विवेकशील साझा पार्टीका अध्यक्ष रवीन्द्र मिश्रले निवर्तमान प्रधानमन्त्री केपी शर्मा ओलीले अध्यादेश ल्याउदा घोर विरोध गर्ने धेरै कांग्रेसका नेताहरु अहिले मौन बसेको टिप्पणी गरेका छन् ।
सामाजिक सञ्जाल ट्वीटरमा आज राती लेख्दै मिश्रले देउवाले पनि ओलीकै बाटो पछ्याएकोले कोही सुध्रिनेवाला छैन भनेर निराशा व्यक्त गरेका छन् । उनले सर्वोच्चको आदेश प्रतिकूल देखिने अध्यादेशलाई सर्वोच्चले नै वदर गरिदिन सक्ने सम्भावना रहेको भविष्यवाणी गरेका छन् ।
उनले तर अध्यादेशबारे विचाराधिन मुद्दा नै टुङ्गो नलागेको अवस्थामा अहिलेको अध्यादेशविरूद्ध पर्ने मुद्दाको सुनुवाई कहिले हुने ? भनेर सर्वोच्च अदालतलाई प्रश्न समेत गरेका छन् ।
उनले लेखेका छन्, ‘कोही सुध्रिनेवाला छैन । सर्वोच्चको आदेश प्रतिकूल देखिने अध्यादेश, सर्वोच्चले नै वदर गरिदिन सक्छ । तर अध्यादेशबारे विचाराधिन मुद्दा नै टुङ्गो नलागेको अवस्थामा अहिलेको अध्यादेश विरूद्ध पर्ने मुद्दाको सुनुवाई कहिले हुने ?ओली-अध्यादेशको घोर विरोध गर्ने धेरै कांग्रेसीहरू अहिले मौन देख्छु ।’
कोही सुध्रिनेवाला छैन।सर्वोच्चको आदेश प्रतिकूल देखिने अध्यादेश, सर्वोच्चले नै वदर गरिदिन सक्छ।तर अध्यादेशबारे विचाराधिन मुद्दा नै टुङ्गो नलागेको अवस्थामा अहिलेको अध्यादेश विरूद्ध पर्ने मुद्दाको सुनुवाई कहिले हुने?ओली-अध्यादेशको घोर विरोध गर्ने धेरै कांग्रेसीहरू अहिले मौन देख्छु।
— Rabindra Mishra (@RabindraMishra) August 17, 2021
