ओलीले बोलाएको स्थायी कमिटी बैठकमा भीम रावल सहभागी नहुने Nepalpatra ओलीले बोलाएको स्थायी कमिटी बैठकमा भीम रावल सहभागी नहुने
१० कार्तिक २०७८, बुधबार

ओलीले बोलाएको स्थायी कमिटी बैठकमा भीम रावल सहभागी नहुने


केपी शर्मा ओली र भीम रावल

नेकपा एमालेका नेता भीम रावल आज बोलाईएको केपी शर्मा ओलीले बोलाएको स्थायी कमिटी बैठकमा सहभागी नहुने भएका छन् ।

एमाले विभाजन गर्न लागिएको भन्दै अध्यक्ष केपी शर्मा ओलीले आज स्थायी कमिटी र संसदीय दलको बैठकमा बोलाएका छन् । ओलीले आज बोलाएका दुवै बैठकमा रावल सहभागी नहुने स्रोतले बतायो ।

यद्धपी रावललगायत एकता पक्षधर नेताहरुकै आग्रहमा अध्यष ओलीले एकता आह्वान गर्दै हिजो वक्तव्य निकालेको नेताहरुले बताएका छन् । रावलले आफूहरु पार्टी एकताको पक्षमा रहेको भन्दै एकताको लागि सबैले गम्भीर कदम चाल्नुपर्ने बताएका छन् ।

उनले आफूहरु पार्टी विभाजनको पक्षमा नरहेको भन्दै माधव नेपालले पार्टी विभाजन गरे आफ्नो साथ नरहने पनि स्पष्ट पारे । पछिल्लो समय रावल अध्यक्ष ओलीसँग निकट भएका छन् । उनले माधव नेपाल पक्षबाट कार्यदलमा संयोजक भएर काम गरेका थिए ।

एकताको लागि कार्यदलले निकै मेहनत गरेर दश बुँदे प्रतिवेदन तयार पारेको थियो । उक्त प्रतिवेदन अध्यक्ष ओलीले स्वागत गरेको तर नेता नेपालले भने नस्विकारेकोमा रावले रुष्ट छन् ।


यो समाचार पढेर तपाईको प्रतिक्रिया के छ ?

प्रतिक्रिया दिनुहोस !