४ चैत, काठमाण्डौ । नवनिर्वाचित उपराष्ट्रपति नन्दबहादुर पुनले सोमबार अपराह्न शपथ ग्रहण गर्ने भएका छन् ।
आइतबार दोश्रो कार्यकालका लागि निर्वाचित भएका पुनले आज पद तथा गोपनियताको शपथ ग्रहण गर्न लागेका हुन् ।
उनलाई राष्ट्रपति विद्यादेवी भण्डारीले अपराह्न ४ बजे राष्ट्रपतिको कार्यालय शितल निवासमा शपथ ग्रहण गराउनेछिन् ।
शनिबार भएको उम्मेद्वारी दर्तामा वाम गठबन्धनका नन्दबहादुर पुनको मात्रै उम्मेद्वारी परेपछि उनी निर्विरोध उपराष्ट्रपति भएका थिए ।
