काठमाडौँ । अमेरिकी राजदूत र्यान्डी बेरीले प्रधानमन्त्री शेरबहादुर देउवालाई उनकै निवास बुढानीलकण्ठ पुगेर बधाई दिएका छन् । देउवालाई भेट्न राजदूत बेरी आज बिहीबार बुढानीलकण्ठस्थित निवास पुगेका थिए ।
यसअघि राजदूत बेरीले देउवाले प्रधानमन्त्री पदको शपथ लिएकै दिन सामाजिक सन्जाल ट्वीटरमार्फत् बधाई दिएका थिए । भेटवार्तामा राजदूत बेरीले प्रधानमन्त्री देउवालाई कार्यकाल सफलताको शुभकामनासहित बधाई दिएका छन् ।
छलफलमा दुई देशबीचको सम्बन्धका बारेमा छलफल भएको थियो । बेरीसँगको भेटपछि देउवाले ट्वीटरमा आफ्नो नयाँ कार्यकालमा नेपाल र अमेरिका बीचको मित्रता र साझेदारीलाई थप सुदृढ गर्ने बताएका छन् ।
Meeting with @USAmbNepal at my residence today as I look forward to advancing Nepal-U.S. friendship and partnership during my new tenure, and beyond. pic.twitter.com/3cmOVdOTsL
— Sher Bahadur Deuba (@DeubaSherbdr) July 15, 2021
