विवेकशील साझा पार्टीका नेता उज्वल थापाको स्वास्थ्य अवस्था अत्यन्तै गम्भिर रहेको पार्टी अध्यक्ष रबिन्द्र मिश्रले बताएका छन्। मिश्रले डाक्टरहरू र देश-विदेशबाट प्राप्त शुभेच्छुकहरूको सहयोग, प्रेरणा र प्रार्थनाप्रति उज्वलजीको परिवार अत्यन्तै अनुग्रहित भएको बताएका छन्।
उनले सामाजिक संजालमा लेखेका छन्, “उज्वल थापाको स्वास्थ अवस्थाबारे अपडेट: उज्वलजीको स्वास्थ्य अवस्थामा कुनै सुधार आएको छैन र अवस्था अत्यन्तै गम्भिर छ। डाक्टरहरूले सकेको गरिरहेका छन्। डाक्टरहरू र देश-विदेशबाट प्राप्त शुभेच्छुकहरूको सहयोग, प्रेरणा र प्रार्थनाप्रति उज्वलजीको परिवार अत्यन्तै अनुग्रहित छ। उज्वलजीको लागि प्रार्थना गर्दै रहनुहोला। प्रार्थनामा शक्ति हुन्छ!”
