काठमाडौँ । नेकपा एमालेको माधव नेपाल समूहका नेता तथा पूर्वमन्त्री भीम रावलले कार्यदलमा पार्टीको एकता र हित एवं देशहित निम्ति पूरा प्रयास हुने बताएका छन् ।
सामाजिक संजाल ट्वीटरमा लेख्दै रावलले नेकपा (एमाले) को पुनर्जीवनपछि नवौं राष्ट्रिय महाधिवेशनको मार्गनिर्देशन, विधान, नियमावली र संगठनात्मक प्रणालीअनुरूप २०७५ साल जेठ २ अघिको स्थितिमा एकताबद्ध रूपमा अघि बढ्नु पर्छ भनी आफूले गत फागुन २३ लगत्तै भनेको स्मरण गराएका छन् ।
नेकपा एमालेभित्रको आन्तरिक विवाद मिलाउन अध्यक्ष केपी ओली समूह र वरिष्ठ नेता माधव नेपाल दुवै समूहको ५/५ जना गरी १० सदस्यीय कार्यदल गठन गरिएको छ ।
आज प्रधानमन्त्री समेत रहेका ओली र नेता माधव नेपालबीच सिंहदरबारस्थित प्रधानमन्त्री तथा मन्त्रिपरिषद्को कार्यालयमा भएको ‘वान टू वान’ वार्ताले दुबै तर्फबाट ५/५ जना रहने गरी वार्ता टोली बनाउने सहमति जुटेको हो ।
वार्ता टोलीमा ओली समूहबाट सुवास नेम्वाङको नेतृत्वमा विष्णु पौडेल, प्रदीप ज्ञवाली, शंकर पोखरेल र विष्णु रिमाल रहेका छन् भने नेपाल समूहबाट भीम रावलको नेतृत्वमा घनश्याम भुसाल, गोकर्ण विष्ट, सुरेन्द्र पाण्डे र रघुजी पन्त रहेका छन् ।
उनले लेखेका छन्, ‘नेकपा(एमाले) को पुनर्जीवन पछि नवौं राष्ट्रिय महाधिवेशनको मार्गनिर्देशन, विधान, नियमावली र संगठनात्मक प्रणालीअनुरूप २०७५ साल जेठ २ अघिको स्थितिमा एकताबद्धरूपमा अघि बढ्नु पर्छ भनी मैले गत फागुन २३ लगत्तै भनेको थिएँ । कार्यदलमा पार्टीको एकता र हित एवम् देशहित निम्ति पूरा प्रयास हुनेछ ।’
नेकपा(एमाले)को पुनर्जीवन पछि नवौं राष्ट्रिय महाधिवेशनको मार्गनिर्देशन, विधान, नियमावली र संगठनात्मक प्रणालीअनुरूप २०७५ साल जेठ २ अघिको स्थितिमा एकताबद्धरूपमा अघि बढ्नु पर्छ भनी मैले गत फागुन २३ लगत्तै भनेको थिएँ।कार्यदलमा पार्टीको एकता र हित एवम् देशहित निम्ति पूरा प्रयास हुनेछ।
— Dr. Bhim Rawal (@BhimRawal179) May 16, 2021
