काठमाडौं । सत्तारुढ दल नेकपा एमालेले माधव नेपालसहित ४ जना नेतालाई हिजो स्पष्टीकरण सोधेको थियो । एमालेले वरिष्ठ नेता नेपालसहित नेताहरू भीम रावल, सुरेन्द्र पाण्डे र घनश्याम भुसाललाई स्पष्टीकरण सोधेको थियो । केन्द्रीय कमिटी बैठकको निर्णय अनुसार पार्टी महासचिव ईश्वर पोखरेलले हस्ताक्षर गरेको पत्र साेमबार नेताहरुलाई पठाइएको थियो ।
प्रधानमन्त्री एवं नेकपा एमालेका अध्यक्ष केपी शर्मा ओली समूहको नेकपा एमालेको गत शनिबार बालुवाटारमा बसेको बैठकले एमालेका ४ नेतालाई स्पष्टीकरण सोध्ने निर्णय गरेको थियो । फागुन २८ गते एकलौटी रूपमा केन्द्रीय सदस्य थपेको र विधान संशोधन गरेको भन्दै नेपाल समूह शनिबारको बैठकमा अनुपस्थित भएको थियो ।
चित्तबुझ्दो स्पष्टीकरण नदिए पार्टी विधान अनुसार थप कारबाही गरिने निर्णय पनि बैठकले गरेको थियो । खनाल-नेपाल समूहले भने यसअघि नै लिखित स्पष्टीकरण नदिने सर्वजनिक रुपमा बताइ सकेको छ ।
एमालेका नेता भीम रावलले आफ्नो सांसद पद गएपनि केपी शर्मा ओलीसँग नझुक्ने दावी गर्दै आएका थिए । नवौं महाधिवेशनबाट निर्वाचित केन्द्रीय कमिटीका नेताहरुलाई स्पष्टीकरण सोध्ने अधिकार अवैध केन्द्रीय कमिटीलाई नरहेको दावी गरेका थिए ।
उनीहरुले आफूहरु अध्यक्ष केपी शर्मा ओलीले एकल रुपमा गरेका कुनै पनि निर्णय नमान्ने बताउँदै दशौं महाधिवेशन आयोजक समितिका सदस्य भन्नु नै गलत भएको टिप्पणी गरेका छन् । नेता भीम रावलले महाधिवेशन आयोजक कमिटी भन्नु नै विधान विपरित रहेको बताएका छन् ।
नक्कली केन्द्रीय कमिटी बनाएको र अवैध रुपमा सोधिएको स्पष्टीकरणको कुनै अर्थ नहुने तर यो समूहको छ । उक्त समूहले उल्टै अध्यक्ष ओलीलाई प्रष्टीकरण सोध्ने भएको छ । स्पष्टीकरणको संगति नै नमिलेकाले त्यसको जवाफ स्वरुप प्रतिस्पष्टीकरण दिएर अध्यक्ष ओलीलाई टक्कर दिने यो समूहले तयारी गरिरहेको छ । यसरी नेकपा विवाद थप चर्किएर उत्कर्षमा पुग्ने देखिएको छ ।
यो पनि पढ्नुहोस्
अन्तत: एमालेले सोध्यो माधव नेपालसहित ४ जना नेतालाई स्पष्टीकरण
ओलीले स्पष्टीकरण मागेपछि उल्टै भीम रावलले दिए यस्तो ‘धम्की’
माधव नेपालसहित एमालेका ४ जना नेतालाई स्पष्टीकरण सोध्ने एमालेको निर्णय
